Стыпендыяльная рэзiдэнцыя ў Партугаліi ад Free Belarus Center (дэдлайн — 7 красавіка)

Партнёр Беларускай асацыяцыі журналістаў Free Belarus Cen­ter прапануе стыпендыяльную рэзідэнцыю для беларускіх актывістаў_ак, журналістаў_ак і праваабаронцаў у Партугаліі. Удзельнікі_цы змогуць рэалізоўваць уласны праект цягам васьмі тыдняў, знаходзячыся ў Партугаліі і пры неабходнасці працягваючы асноўную працу дыстанцыйна.

Хто можа падаць заяўку:

• Дасведчаныя працаўнікі арганізацый грамадзянскай супольнасці, журналісты_кі, даследчыкі_цы з пацверджаным досведам працы ў сектары НДА, незалежных СМІ ці даследніцкіх цэнтрах не меней за 3 гады. Актывісты_кі з Беларусі, якія пражываюць у краіне ці за яе межамі.
• Заяўкі прымаюцца ад аплікантаў_ак, якія знаходзяцца на стадыі рэалізацыі ўласнага праекта, распрацоўкі праектных канцэпцый, медыякампаній, журналісцкіх расследаванняў і сацыяльных даследаванняў, але патрабуюць бяспечных, спакойных і рэкрэацыйных варункаў, якія б дапамаглі прадухіліць выгаранне.

Напрамкі патэнцыйных праектаў:

• інфармацыйныя праекты, накіраваныя на асвятленне актуальных беларускіх падзей;
• праекты, звязаныя з парушэннем правоў чалавека ў Беларусі і ў краінах, дзе ёсць беларуская дыяспара;
• сацыяльныя праекты, звязаныя з Беларуссю і краінамі, дзе ёсць беларуская дыяспара;
• культурныя праекты, звязаныя з Беларуссю і краінамі, дзе ёсць беларускія актывісты_кі.

Якія напрамкі не падтрымліваюцца стыпендыяй:

• праекты і ініцыятывы, якія накіраваныя на дзяцей і падлеткаў;
• некалькі мерапрыемстваў, не звязаных паміж сабой агульнай мэтай;
• правядзенне і арганізацыя канферэнцый, трэнінгаў, інш.
• па выніках рэзідэнцыі чакаецца, што ўдзельнікі_цы змогуць прадставіць канкрэтныя рэзультаты сваёй працы.

Для падачы заяўкі на стыпендыяльную праграму патрэбна дадаць CV і рэкамендацыйныя лісты ад двух асоб. Дэдлайн – 7 красавіка 2024 года (уключна).

РЭГІСТРАЦЫЯ

Пачатак стыпендыяльнай рэзідэнцыі – 6 траўня. Працягласць – 8 тыдняў.

Арганізатары_кі цалкам забяспечваюць пражыванне, праезд, стыпендыю ў памеры 500$ раз на месяц, а таксама юрыдычную, псіхалагічную, ментарскую і экспертную падтрымку па запыце.

Free Belarus Cen­ter — гэта незалежная грамадская ініцыятыва, створаная для аказання гуманітарнай падтрымкі людзям, вымушаным пакінуць Беларусь, а таксама для інфармацыйнага асвятлення і забеспячэння міжнароднай рэакцыі на рэпрэсіі супраць грамадзянскай супольнасці ў Беларусі.