Вакансія ў «Нашай Ніве»: перакладчык / карэктар / мадэратар каментароў

«Наша Ніва» шукае чалавека, які будзе адначасова выконваць функцыі перакладчыка з беларускай на рускую мову, карэктара беларускай версіі і мадэратара каментароў.

Патрабаванні:

• філалагічная адукацыя (абавязкова);
• выдатнае веданне беларускай і рускай моваў;
• здольнасць хутка пераключацца з адной задачы на іншую;
• працаздольнасць.

Умовы:

• афіцыйная дамова, заробак на картку;
• поўная загрузка;
• праца па зменах (часам у першую палову дня, часам у другую);
• праца анлайн;
• нельга спалучаць з працай на іншыя СМІ.

Дзеля бяспекі рэдакцыя працуе толькі з людзьмі, якія не ў Беларусі.

Як даслаць заяўку

Дасылайце інфармацыю пра сябе, спасылкі на свае сацыяльныя сеткі, а таксама ўсё, што можа сведчыць на вашу карысць, на nivanasha@proton.me.

Можна высылаць і прыватна ў сігнал і тэлеграм тым рэдактарам і журналістам «Нашай Нівы», якіх вы ведаеце асабіста, калі вы лічыце гэта больш бяспечным для сябе.