Вэбінар «Давер і рызыка: як працаваць з крыніцамі і героямі ў эпоху рэпрэсій» (рэгістрацыя да 12 траўня)

Збіраеш гісторыю, але з мэтаў бяспекі не можаш паказаць, хто за ёй стаіць — крыніцы, герояў і нават сваё аўтарства? І ўсё роўна мусіш зрабіць яе праверанай, этычнай і пераканаўчай.

Запрашаем журналістаў і журналістак, рэдактараў і рэдактарак — усіх, хто працуе з медыякантэнтам, на чарговы анлайн-модуль Media Ethics Lab.

На вэбінары «Давер і рызыка: як працаваць з крыніцамі і героямі ў эпоху рэпрэсій» разбярэмся:

• Як павысіць давер аўдыторыі да публікацый на падставе ананімных крыніц, герояў і аўтараў?
• Як адказна карыстацца адкрытай інфармацыяй з сацыяльных сетак і не нашкодзіць людзям у Беларусі?
• І як пры ўсім гэтым захоўваць стандарты журналістыкі, распрацаваныя для “мірных” часоў?

Адказы на складаныя пытанні будзем шукаць праз:

• Разбор рэальных кейсаў з практыкі беларускіх медыя;
• Інструменты, якія ўжо выкарыстоўваюцца ў рэдакцыях;
• Падыходы, якія ўжо дапамагаюць журналістам і журналісткам працаваць адказна нават у рызыкоўным кантэксце.

Трэнер: Аляксей Шота, Hrodna.life

Дзе і калі

• анлайн (Zoom)
• серада, 13 траўня 2026 года
• 17:00–19:30 (Варшава) / 18:00–20:30 (Мінск, Вільня)

Чакаем ад прысутных актыўнасці падчас разбору кейсаў і дыскусій.

Удзел бясплатны. Колькасць месцаў абмежаваная.

РЭГІСТРАЦЫЯ

Падавайцеся да 12 траўня 2026 года, 17:00 па Вільні.

Працоўныя мовы вэбінараў – беларуская і руская. Калі ў вас засталіся пытанні датычна курса, пішыце нам на office@baj.media.

Media Ethics Lab праводзіць Беларуская асацыяцыя журналістаў у партнёрстве з Фондам Фрыдрыха Эберта.