Як пісаць пра судовыя справы так, каб пасля не патрапіць пад суд? Кансультацыя Адар’і Гуштын — 29 сакавіка

У чацвер, 29 сакавіка, абмяркуем разам:

• як падрыхтавацца да суда: як атрымаць інфармацыю па судовым паседжанні; як і якую інфармацыю па справе шукаць; крыніцы інфармацыі;

• што такое судовы працэс: яго этапы; як схапіць самае галоўнае; што можна рабіць у судзе, а што — нельга;

• як зрабіць працяг гісторыі, і чаму судовая журналістыка — гэта не толькі рэпартаж з працэсу.

Удзельнікі кансультацыі даведаюцца, як весці анлайны з судовых паседжанняў, пераадолець прафесійнае выгаранне і раскласці “падушкі бяспекі” для сябе і сваёй рэдакцыі.

Раз і назаўжды разбярэмся таксама з памылкамі, якія дапускаюць беларускія журналісты, калі пішуць пра судовыя справы.

Час: 29 сакавіка (чацвер), 17:00 – 19:00

Месца: офіс БАЖ, вул.Кальварыйская 16–256 (4 паверх)

Кансультацыя бясплатная, але колькасць месцаў абмежаваная.
Таму Вам неабходна ЗАРЭГІСТРАВАЦЦА