Лекары «затрымалі» здымачную групу «Белсату» і выклікалі нарад міліцыі
4 лютага 2020
Журналістку Любоў Лунёву і аператара Віталя Дубіка трымалі ў залі паседжанняў 5-й клінічнай больніцы Менску. Загадчык аддзялення гнойнай хірургіі Попчанка Андрэй выклікаў на журналістаў міліцыю.
У больніцы здымачная група «Белсату» запісвала сюжэт пра ветэрана вайны ў Афганістане. Загадчык аддзялення, дзе працавалі журналісты, палічыў, што іхныя дзеянні незаконныя і выклікаў міліцыю.
«Цяпер сядзім у залі паседжанняў. Нас не выпускаюць. Ну, не біцца ж нам з імі. Чакаем нарад міліцыі», – распавяла Belsat.eu Любоў Лунёва.
UPD: Міліцыянты, якія прыехалі ў больніцу, адпусцілі здымачную групу. Праваахоўнікі толькі перапісалі пашпартныя звесткі ў журналісткі і аператара.
Журналістаў «Белсату» рэгулярна затрымліваюць і штрафуюць за працу без акрэдытацыі.
@bajmedia
