Падчас візыту Лукашэнкі ў Кіеў адбудзецца шэсьце ў памяць Шарамета
12 ліпеня 2017
Кіраўніцтва інтэрнэт-выданьня «Ўкраінская праўда» плянуе 20 ліпеня правесьці ў Кіеве шэсьце «Год бяз Паўла», прымеркаванае гадавіне забойства журналіста. У гэты ж дзень у Кіеве зь візытам будзе знаходзіцца кіраўнік Беларусі Аляксандар Лукашэнка.
«Нам вельмі не хапае Паўла, але яшчэ больш горка, што за год паліцыя не дала адказу на пытаньне, хто быў забойцам і заказьнікам забойства Паўла. Пытаньняў на самай справе паўстала яшчэ больш, таму што мы даведаліся, што за Паўлам і ягонай жонкай Аленай Прытулай сачылі за некалькі месяцаў да трагедыі і ў ноч перад забойствам», — кажуць арганізатары шэсьця.
Кіраўніцтва «Ўкраінскай праўды» заклікае грамадзян далучыцца да ўшанаваньня памяці Паўла Шарамета.
«20 ліпеня а 8‑й гадзіне раніцы мы зьбяромся там, дзе загінуў Павал, і ўшануем яго памяць. Пасьля адправімся шэсьцем да будынка Службы бясьпекі Ўкраіны, Адміністрацыі прэзыдэнта і Міністэрства ўнутраных спраў і будзем патрабаваць расьсьледаваньня справы забойства нашага сябра і калегі», — дадалі калегі Паўла Шарамета.
Сёньня Камітэт абароны журналістаў (CPJ) заклікаў беларускія ўлады пасьмяротна аднавіць грамадзянства Беларусі Паўла Шарамета. У 2010 годзе журналіст быў пазбаўлены беларускага грамадзянства на падставе атрыманьня грамадзянства Расеі. Адпаведны ліст, як сьцьвярджаў тады Павал Шарамет, ён атрымаў ад пасольства Беларусі ў Расеі. Гэты ліст быў падпісаны адным з тагачасных сакратароў амбасады, але ў ім не паведамлялася, хто менавіта прыняў рашэньне аб пазбаўленьні грамадзянства — МУС, МЗС ці Адміністрацыя прэзыдэнта.
@bajmedia
Папаўненне ў «экстрэмісцкім спісе» Мінінфарма: чатыры відэаролікі і акаўнт «Пара/Para» ў TikTok
05.07.2024
Міністр інфармацыі ў Пінску даваў парады, як перамагчы ў «інфармацыйнай вайне»
10.11.2023
Лукашук: У Беларусі вайна супраць журналістаў, а не журналісты на вайне, як у Афганістане
18.05.2024
У Варшаве падтрымалі Анджэя Пачобута і выказаліся за свабоду слова ў Беларусі
21.03.2024
