Прадстаўніца АБСЕ па пытаннях свабоды слова і іншыя еўрапейскія палытыкі выказаліся ў падтрымку беларускіх журналістаў-палітвязняў

«За апошнія гады ўрад Беларусі стварыў такі прававы і палітычны клімат, які не дазваляе незалежным журналістам і СМІ асвятляць палітычныя і сацыяльныя падзеі ў краіне без страху падвергнуцца рэпрэсіям», — падкрэсліваюць прадстаўнікі Савета Еўропы.

У навучальна-практычным семінары, што праходзіць у Страсбургу 21 і 22 сакавіка, бяруць удзел 30 беларускіх журналістаў і прафесійныя асацыяцыі, якія падтрымліваюць беларускіх журналістаў у выгнанні, а таксама партнёрскія арганізацыі Платформы па садзейнічанні бяспецы журналістаў. Сярод выступоўцаў — Камісар па правах чалавека Дунья Міятавіч, Прадстаўнік АБСЕ па пытаннях свабоды СМІ Тэрэза Рыбейра і генеральны сакратар Еўрапейскай федэрацыі журналістаў Рыкарда Гуцьерэс.

Падчас семінара высокія госці, сярод якіх прадстаўнік АБСЕ па пытаннях свабоды СМІ Тэрэза Рыбейра; пастаянны прадстаўнік Швецыі пры Савеце Еўропы, старшыня Групы сяброў па пытаннях свабоды СМІ, пасол Мартэн Энберг; кіраўнік дэпартамента інфармацыйнага грамадства, генеральны дырэктар па правах чалавека і вяршэнстве права Савета Еўропы Патрык Пенінкс; глава аддзялення «Рэпарцёраў без межаў» па Усходняй Еўропе і Цэнтральнай Азіі Жанна Кавелье зладзілі акцыю: сфатаграфаваліся з партрэтамі Марыны Золатавай і Людмілы Чэкінай, нядаўна асуджаных па справе TUT.BY, а таксама выявамі Кацярыны Андрэевай і Андрэя Аляксандрава, такім чынам выказваючы падтрымку ўсім 36 зняволеным беларускім журналістам.

Коллеги в тюрьмах. Напишите им письмо поддержки АКТУАЛЬНЫЕ АДРЕСА

Чытайце яшчэ:

«Ездзіў па Беларусі і шалёна ўсё здымаў: разумеў — гэта апошняе лета». Гутарым з журналістам Алесем Залеўскім

«Парэзы неглыбокія, жыцьцю нічога не пагражае». Палітзьняволены Ігар Лосік можа па-ранейшаму знаходзіцца ў ШЫЗА

Пачаўся суд над колішнім тварам тэлеканала АНТ Дзмітрыем Семчанкам