• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Віцебску прайшоў перадвыбарчы пікет на знак салідарнасці з “Хартыяй’97”, “Белсатам” і журналістам-земляком Змітром Лупачам

    Ідэю падтрымаць заблакіраваны сайт і тэлеканал, журналістаў якога перыядычна штрафуюць за прафесійную дзейнасць, увасобілі кандыдаты — прыхільнікі аргкамітэта БХД.  Выказаць салідарнасць са Змітром Лупачам, якога двойчы пакаралі штрафам толькі з пачатку гэтага года, прапанавалі віцебскія БАЖаўцы.

    “Менавіта глыбоцкія журналісты апошнім часам патрапляюць пад адміністрацыйны пераслед. Таццяну Смоткіну аштрафавалі летась на 1 265 рублёў, а ў Змітра Лупача сума штрафаў была ў два разы большая. І ўжо сёлета яго аштрафавалі двойчы — 9‑га і 31-га студзеня.

    Прычым 31 студзеня яго выклікалі адразу ў два суды: у Докшыцкі раённы, дзе яму прысудзілі чарговы штраф памерам 40 базавых велічынь, і ў Віцебскі абласны — на разгляд  адразу  дзьвюх касацыйных скаргаў”, — распавяла кіраўніца віцебскай суполкі ГА «БАЖ» Алена Сцяпанава.

    Трапіць адначасова  у два месцы, паміж якімі амаль 200 кіламетраў, Зміцер Лупач не мог аніяк. Таму ў абласны суд прыйшлі ягоныя віцебскія сябры і калегі. Вынік быў прадказальны. Суддзя Ірына Смалякова не задаволіла скаргі Зьмітра Лупача і Тацяны Смоткінай, аштрафаваных Докшыцкім раённым судом 27 снежня мінулага года. Следам за ёй суддзя Святлана Іванова пакінула без задавальнення скаргу журналіста на прысуд Пастаўскага райсуда ад 9 студзеня.

    Выйшаўшы з будынка абласнога суда, аднадумцы вырашылі падтрымаць Змітра Лупача. Кандыдатка ў дэпутаты Віцебскага гарсавета Алена Шабуня, беручы ўдзел у перадвыбарчым пікеце, якія ладзілі каля віцебскай бібліятэкі імя Леніна прыхільнікі стварэньня БХД, выйшла з партрэтам журналіста.

    “Зміцер мой калега, ён таксама прыхільнік Беларускай Хрысціянскай Дэмакратыі, балатуецца на гэтых  выбарах — хоча трапіць у Глыбоцкі райсавет. Пра такіх людзей, якія церпяць ціск за сваю працу, за актыўную жыццёвую пазыцыю, мусяць ведаць усе землякі,” — мяркуе актывістка суполкі ГА «БАЖ».

    Іншыя ўдзельнікі пікету на знак салідарнасці з незалежнымі СМІ трымалі шыльдачкі з надпісамі “Гляджу “Белсат» і “Чытаю “Хартыю”. Як высветлілася, тое самае рэгулярна робяць і многія жыхары Віцебску. Яны падыходзілі да пікетоўцаў, каб абмеркаваць блакіроўку сайта charter97.org, жадалі поспеху на выбарах і нават прапаноўвалі журналістам новыя вострыя тэмы.

    Удзельніца пікету, каардынатарка аргкамітэта БХД у Віцебскай вобласці Таццяна Севярынец адзначыла:

    “Незалежныя СМІ — гэта адзіная сцежка да праўды, па якой журналісты вядуць наша грамадства. Таму мы іх заўжды патрымлівалі і будзем падтрымліваць. І паўставаць супраць тых, хто хоча бачыць беларусаў сляпымі і нямымі”.

    Увасабляючы гэтую метафару, спадарыня Севярынец заклеела сабе рот і завязала вочы. Але ў руках яны трымала таблічку са словамі “Так не будзе!”

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці