• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Віцебску журналістку Алену Шабуню аштрафавалі на 870 рублёў за прафесійную дзейнасць

    Суд Першамайскага раёна Віцебска прызнаў незалежную журналістку ў незаконным вырабе прадукцыі СМІ. Суддзя Вераніка Барысава пастанавіла пакараць Алену Шабуню  штрафам у 30 базавых велічынь (870 рублёў) паводле ч. 3 арт. 23.5 КаАП.

    Пратакол правапарушэння быў складзены ў Пастаўскім райаддзеле міліцыі, і сведчыў у судзе праз Viber участковы па справах непаўналетніх  Ілля Чарняўскі. Ён заўважыў, як у Паставах Алена Шабуня і відэааператар Зміцер Лупач размаўлялі з уладальнікам трэнажорнай залы «РэЖым» Віталем Пахомчыкам. Яго міліцыянты ведаюць, бо раней затрымлівалі падчас мірных пратэстаў. А праз пару дзён у мясцовым тэлеграм-канале  супрацоўнікі Пастаўскага РАУС заўважылі спасылку на відэасюжэт, паказаны на тэлеканале “Белсат”.

    Сваёй віны Алена Шабуня не прызнала, бо не бачыць нічога незаконнага ў тым, што ўзяла інтэрв’ю ў жыхара Паставаў. Яна патлумачыла суду, што  атрыманне і распаўсюд інфармацыі ёсць законым правам чалавека,  гарантаваным Канстытуцыяй і міжнароднымі пагадненнямі, якія Беларусь узяла на сябе абавязкі выконваць. Абмежаваць гэтыя правы дзяржава можа толькі ва ўмовах надзвычайнага ці ваеннага становішча.

    — У гэтым жа сюжэце нічога такога не было. Мы проста паказалі праўду, як за выразную грамадзянскую пазіцыю чалавека пазбавілі ягонага паспяховага бізнесу: спынілі працу трэнажорнай залы, спаслаўшыся на парушэнне супрацьпажарнай бяспекі. Суд мусіў бы разабрацца ў сітуацыі і заступіцца за гэтага чалавека! Але ж пакаралі журналістаў, — зазначае журналістка.

    Такім самым штрафам за той жа матэрыял пра закрыццё трэнажорнай залы ў Паставах раней быў пакараны судом калега Алены Шабуні,  глыбоцкі журналіст Зміцер Лупач.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці