У Жабінцы змянілі кіраўніка раёнкі: былая рэдактарка займала пасаду менш года
5 верасня 2023
Новым галоўным рэдактарам жабінкоўскай раённай газеты «Сельская праўда» прызначана Наталля Каўпанько. Да гэтага часу яна займала пасаду вядучага рэдактара інтэрнэт-рэсурсу «Навіны Камянеччыны».
Паведамляецца, што Наталля Каўпанько — спецыяліст «з вялікім і паспяховым вопытам працы, і яе досвед у распрацоўцы і рэалізацыі новых падыходаў да інтэрнэт-кантэнту мусяць прынесці свежыя ініцыятывы ў працу» жабінкоўскай дзяржаўнай «раёнкі».
Цікава, што раней «Сельскую праўду» узначальвала Васіліна Вайтовіч, якую прызначылі на пасаду галоўнага рэдактара выдання параўнальна не так даўно — напрыканцы 2022 года. Чаму спатрэбілася раптоўна мяняць кіраўніка газеты, застаецца невядомым.
Між тым, ад 1 студзеня 2023 года тры дзяржаўныя «раёнкі» Брэсцкай вобласці згубілі самастойнасць і ўвайшлі у склад інфармацыйнага прадпрыемства «Рэдакцыя Брэсцкай абласной газеты «Заря». Сярод гэтых выданняў і «Сельская праўда», якая выдавалася ў Жабінцы пад рознымі назвамі з 1944 года (пад цяперашняй назвай — з 1966 года).
Зараз жабінкоўская «раёнка» выходзіць раз на тыдзень як тэматычнае прыкладанне да абласной газеты «Заря».
Таму не дзіўна, што прызначэнне новага рэдактара «Сельскай праўды» адбылося кіраўніцтвам Жабінкаўскага райвыканкама ў прысутнасці галоўнага рэдактара газеты «Заря» Ігара Гетмана.
Чытайце яшчэ:
Основатель «Рогачев Онлайн» объявил о закрытии проекта и отказе от гражданства
«Ці беларусы сэксі?» Прадзюсер Алесь Чахоўскі запусціў уласны YouTube-праект
Паляшук з хітрынкай. Сябры і калегі — пра Алеся Любенчука
@bajmedia
Журналісту Дзянісу Івашыну забаранілі дасылаць у турму асадкі і стрыжні для пісання
21.12.2023
На Магілёўшчыне правялі ператрусы ў сямі чалавек, імаверна ў звязку з прызнаннем мясцовых СМІ «экстрэмісцкімі» фармаваннямі
11.12.2023
Беларускую незалежную журналістку не прапусцілі ва Украіну. Перад гэтым Ecolines не пасадзіў яе ў аўтобус
29.05.2023
«Мы яшчэ не закальцавалі эпоху. Пачакайце». Фотапраект Сяргея і Дзмітрыя Брушко паказалі ў Музеі Вольнай Беларусі
28.03.2024
