Віцебскія дзяржСМІ збіраюцца наладжваць «цесную супрацу» са СМІ Пскоўскай вобласці

Як паведамляюць «Витебские вести», на сустрэчы беларускія і расійскія чыноўнікі выказалі зацікаўленасць у наладжванні больш цесных сувязяў паміж СМІ дзвюх абласцей і рэалізацыі сумесных праектаў.

Намесніца губернатара Пскоўскай вобласці Вера Емяльянава пераконвала, што расейцы і беларусы вельмі падобныя, бо «прайшлі вялікі гістарычны шлях побач, рука аб руку».

Сумесны ваенна-патрыятычны турызм прэзентавала ў сваю чаргу намесніца начальніка ўпраўлення інфармацыйнай палітыкі Пскоўскай вобласці Вікторыя Іванова. «Ужо сёння ў Віцебску мы прадастаўляем асобную тэматычную пляцоўку, прысвечаную моладзі і яе ваенна-патрыятычнаму выхаванню», — паведаміла яна.

Паводле расійскай чыноўніцы, дзяцей «чакаюць інтэрактыўныя праграмы, квэсты». «Прапануем яе наведнікам напісаць лісты ўдзельнікам Вялікай Айчыннай вайны, выказаць падзяку за іх подзвіг, а таксама паўдзельнічаць у закладцы капсулы з пасланнем будучым пакаленням», — распавяла Вікторыя Іванова пра акцівіці для хлопчыкаў і дзячынак.

Арганізаваныя ўладамі Дні Пскоўскай вобласці прайшлі ў Віцебску з 28 па 30 ліпеня.

Чытайце яшчэ: 

«Зняволеныя журналісты церпяць за прафесію». Пра што гаварылі прадстаўнікі БАЖ падчас анлайн-марафона салідарнасці

Беларускія медыйшчыкі Батумі выйшлі на цэнтральную плошчу з партрэтамі палітзняволеных калег

Легендарнага распаўсюдніка незалежнай прэсы Барыса Хамайду затрымалі падчас пілігрымкі