Блогера з Магілёва судзяць за апытаньне «Колькі грошай Вы давалі супрацоўнікам ДАІ?»
21 снежня 2016
Упраўленьне ўнутраных справаў Магілёўскага аблвыканкаму вінаваціць арганізатара шэрагу суполак у сацыяльных сетках Аляксандра Ірхо ў нанясеньні шкоды дзелавой рэпутацыі ведамства.
Ірхо, гаворыцца ў пазове, 21 лістапада разьмясьціў на старонках суполак матэрыял з ананімным апытаньнем пад загалоўкам «Якую суму грошай Вы давалі супрацоўнікам ДАІ Магілёўскай вобласьці?». Прапаноўваліся варыянты адказаў. Гэтае апытаньне і стала нагодай для звароту абласнога міліцэйскага ведамства ў суд.
21 сьнежня Ленінскі суд Магілёва пачаў разгляд грамадзянскай справы супраць блогера. Сваёй віны Аляксандар Ірхо не прызнае і адмаўляецца ад вырашэньня спрэчкі мірам, заяўляючы, што не разумее патрабаваньняў пазоўніка.
Тым часам апанэнты блогера просяць суд абавязаць адказьніка апублікаваць абвяржэньне і публічна выбачыцца за распаўсюд інфармацыі, якою зьняважаны гонар і годнасьць супрацоўнікаў ДАІ.
«Дадзеная інфармацыя, якая мае нэгатыўны, паклёпніцкі і правакацыйны характар і паказвае на хабарніцтва ў шэрагах супрацоўнікаў ДАІ Ўпраўленьня ўнутраных справаў вобласьці, атрымала шырокі грамадзкі розгалас і нанесла шкоду дзелавой рэпутацыі ДАІ і Ўпраўленьня ўнутраных справаў у цэлым», — адзначаецца ў пазоўных прэтэнзіях да Ірхо.
@bajmedia
Ці могуць адбіраць пашпарт у амбасадах Беларусі, калі на чалавека заведзеная крымінальная справа?
16.08.2024
У Глыбокім журналіста Змітра Лупача публічна абвясцілі «злачынцам»
11.04.2024
Генпракуратура Расіі прызнала «непажаданай» дзейнасць «польскай арганізацыі Belsat» на тэрыторыі РФ
13.09.2024
Дзяржсакратар Саюзнай дзяржавы сцвярджае, што гатовы праект пастановы аб стварэнні адзінай медыякампаніі. Што з ёй не так?
22.01.2024
