Магілёўскім журналістам вярнулі адабраную пасля ператрусаў тэхніку
27 кастрычніка 2022
Супрацоўнікі праваахоўных органаў вярнулі магілёўскім журналістам Алесю Сабалеўскаму, Яўгену Глушкову і Барысу Вырвічу тэхніку, адабраную падчас ператрусаў нібыта для правядзення экспертызы.
Паводле слоў журналістаў, на гэтым тыдні ім вярнулі ўсе забраныя ў студзені рэчы і прафесійную тэхніку, у тым ліку ноўтбукі і відэакамеры. Не далічыліся толькі некаторых электронных носьбітаў інфармацыі. Барысу Вырвічу нават аддалі 40 беларускіх рублёў, якія забралі падчас вобшуку.
Супрацоўнікі міліцыі не патлумачылі, ці засталіся ў іх яшчэ якія-небудзь прэтэнзіі да журналістаў.
Алесь Сабалеўскі, Яўген Глушкоў і Барыс Вырвіч знаходзяцца ў Беларусі.
Нагадаем, што раніцай 14 студзеня 2022 года сілавікі прыйшлі з ператрусамі дадому да магілёўскіх журналістаў і ў офіс рэдакцыі інфармацыйнага сайта «Магілёўскі рэгіён». Журналісты праходзілі ў якасці сведкаў па крымінальных справах. Пасля вобшукаў іх забіралі на допыт.
Чытайце яшчэ:
SEO на беларускай мове. Як прафесійным медыям выціснуць прапагандыстаў з топа Google і Яндэкс і зарабіць?
Журналіста Алеся Любенчука асудзілі на 3 гады пазбаўлення волі
Магілёўскім журналістам вярнулі адабраную пасля ператрусаў тэхніку
@bajmedia
17 000 еўра сабралі чытачы для рэдакцыі Reform.by
26.12.2023
Міністр інфармацыі звінаваціў «раёнкі» Віцебшчыны ў непрафесіяналізме
04.12.2023
Журналіста Ігара Казмерчака будуць судзіць завочна
14.03.2024
«СБ. Беларусь сегодня» зменшыла наклад. Але маніпулятыўна ўдвая завышае рэальную колькасць асобнікаў
25.01.2024
