• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    ГА “БАЖ” звярнулася ў Адміністрацыю Прэзідэнта з нагоды пераследу журналістаў-фрылансераў

    Кіраўніцтва арганізацыі просіць службоўцаў праясніць сітуацыю з новай хваляй пераследу журналістаў за супрацу з замежнымі СМІ.

    У звароце на імя кіраўніка Адміністрацыі Аляксандра Косінца сярод іншага адзначаецца:

    “4 жніўня мінулага года Аляксандр Лукашэнка, адказваючы на пытанне пра выпадкі пераследу беларускіх журналістаў-фрылансераў за супрацу з замежнымі СМІ, сказаў: “Я думаю, што гэта дурасць… Забараняць – гэта не мой прынцып. Я вывучу гэту праблему. Што да гэтых штрафаў, таксама вывучым. Людзі ж не багатыя, і я разумею. Я вам абяцаю, што я разгляджу гэта пытанне. Не таму, што мы з вамі сустракаемся, а таму што вы, мабыць, маеце рацыю тут. Мы паглядзім на гэту праблему”.

    Пасля гэтага новых спраў па арт. 22.9 КаАП у дачыненні да журналістаў-фрылансераў не заводзілася. Гэты факт быў станоўча ацэнены, у прыватнасці, Еўрапейскай федэрацыяй журналістаў.

    Але ў канцы снежня – пачатку студзеня стала вядома пра распачынанне ў Гомельскай вобласці адразу трох адміністрацыйных спраў супраць беларускіх журналістаў, матэрыялы якіх з’явіліся ў замежных СМІ.

    28 снежня гомельскі журналіст Кастусь Жукоўскі атрымаў два выклікі ў міліцыю ў сувязі з сюжэтамі, паказанымі па тэлеканале “Белсат”, для складання пратаколаў па арт. 22.9 КаАП. 24 снежня падобны пратакол быў складзены і ў дачыненні да гомельскай журналісткі Ларысы Шчыраковай.

    Аднаўленне падобнай практыкі мы лічым недапушчальным. Да таго ж, гэта наносіць урон іміджу дзяржавы і яе кіраўніка.

    У сувязі з важнасцю ўзнятай праблемы і з улікам пазіцыі Аляксандра Лукашэнкі ГА “Беларуская асацыяцыя журналістаў”:

    - выказвае занепакоенасць у сувязі з аднаўленнем адміністрацыйнага пераследу журналістаў за выкананне іх прафесійных абавязкаў;

    - заклікае садзейнічаць спыненню неабгрунтаванага ўмяшання супрацоўнікаў органаў унутраных спраў у права журналістаў на свабоднае атрыманне, захаванне і распаўсюд інфармацыі, свабоду выказвання меркаванняў і перакананняў, гарантаваныя артыкуламі 33 і 34 Канстытуцыі Беларусі.

    Прапануем разглядзець пытанні, выкладзеныя ў звароце, на сустрэчы з удзелам службовых асоб Адміністрацыі Прэзідэнта Рэспублікі Беларусь, іншых дзяржаўных органаў, прадстаўнікоў ГА “Беларуская асацыяцыя журналістаў” і іншых зацікаўленых арганізацый і асоб”.

    У дадатак да звароту ў Адміністрацыю Прэзідэнта Беларусі была накіравана заява ГА “Беларуская асацыяцыя журналістаў” з нагоды ўзмацнення ціску на журналістаў-фрылансераў, абгрунтаванне неправамернасці прыцягнення да адказнасці журналістаў за супрацоўніцтва з замежнымі СМІ, а таксама перапіска ГА “БАЖ” у гэтай справе з Вярхоўным судом, МУС, Генеральнай пракуратурай і КДБ Беларусі.

    Гомельскія журналісты: у новы год – з новымі пратаколамі

    Новая хваля пераследу фрылансераў: на журналістку Ларысу Шчыракову склалі адміністрацыйны пратакол

    Гомельскага журналіста выклікаюць адразу ў два пастарункі

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці