Анлайн-канферэнцыя Reshape’2022 — 14–17 лютага. Панэлі пра палітыку, эканоміку, аналітыку і медыя
10 лютага 2022
Цэнтр новых ідэй запрашае на анлайн - канферэнцыю Reshape 2022, якая адбудзецца 14-17 лютага ў 19.00 (GMT+3). У межах канферэнцыі эксперты абмяркуюць, што рабіць з апатыяй і дэпалітызацыяй грамадства.
Пасля небывалых рэпрэсіяў беларусы пераважна застаюцца прыхільнікамі пераменаў. Але пры гэтым грамадства ўсё больш пачынае пагружацца ў апатыю і расчараванне. У такіх умовах барацьба за прыхільнасць апалітычных беларусаў робіцца крытычна важнай для захавання большасці, якая выступае супраць аўтарытарызму.
Якім чынам уцягваць незаангажаваных беларусаў у грамадскі рух, дзе яны спажываюць інфармацыю, як змянілася іх жыццё, погляды і каштоўнасці, – гэтым пытанням і будзе прысвечана першая частка Reshape 2022.
Праграма
Дзень першы (14 лютага) — Ці засталіся апалітычныя беларусы ў 2022?
Гутараць Юры Дракахруст, Пётр Рудкоўскі, Аксана Шэлест і Генадзь Коршунаў. Мадэратар: Леся Руднік. Рэгістрацыя.
Дзень другі (15 лютага) — Ці могуць эканамічныя праблемы справакаваць палітызацыю грамадства?
Гутараць Кацярына Барнукова, Уладзімір Кавалкін, Андрэй Казакевіч і Філіп Біканаў. Мадэратар: Антон Раднянкоў. Рэгістрацыя.
Дзень трэці (16 лютага) — Што адбываецца з беларускай медыя-прасторай пасля рэпрэсій 2021-га.
Гутараць Пётр Кузняцоў, Ганна Калтыгіна, Максім Беразінскі і Галіна Малішэўская. Мадэратар: Рыгор Астапеня. Рэгістрацыя.
Дзень чацвёрты (17 лютага) — Апалітычныя ці расчараваныя: ці магчыма вярнуць пасіўных беларусаў у палітыку?
Гутараць Таццяна Чуліцкая, Арцём Шрайбман, Андрэй Дзмітрыеў, Вольга Харламава. Мадэратар: Павал Мацукевіч. Рэгістрацыя.
Далучыцца да канферэнцыі можа любы жадаючы.
@bajmedia
