ЕГУ шукае менеджэра па камунікацыях (дэдлайн — 28 лютага)

Еўрапейскі гуманітарны ўніверсітэт адкрыў вакансію менеджэра па камунікацыях.

Фота з сайта pixabay.com

Еўрапейскі гуманітарны ўніверсітэт (ЕГУ) — прыватны міжнародны ўніверсітэт гуманітарных і сацыяльных навук і мастацтваў, які працуе ў Вільні ўжо больш за дваццаць гадоў. Місія ЕГУ – садзейнічаць развіццю грамадзянскай супольнасці шляхам прапановы міжнародна прызнаных навучальных праграм і актыўнага ўдзелу ў даследаваннях у галіне гуманітарных і сацыяльных навук.

Што трэба рабіць

• Кіраваць кантэнтам вэб-сайта ўніверсітэта (сістэма кіравання кантэнтам Word­Press).
• Кіраваць сацыяльнымі сеткамі ўніверсітэта і адміністраваць рэкламныя кампаніі.
• Рыхтаваць прэс-рэлізы і аказваць інфармацыйную падтрымку мерапрыемстваў універсітэта.
• Развіваць супрацоўніцтва са сродкамі масавай інфармацыі.
• Кіраваць ўніверсітэцкімі камунікацыйнымі праектамі і стварэннем кантэнту.
• Аказваць камунікацыйную падтрымку канферэнцый і мерапрыемстваў.

Патрабаванні:

• вышэйшая адукацыя ў галіне сацыяльных ці гуманітарных навук;
• досвед працы ў сферы камунікацый або сувязей з грамадскасцю, пажадана ў міжнародным асяроддзі;
• свабоднае валоданне вуснай і пісьмовай англійскай і рускай мовамі, перавага аддаецца літоўскай або беларускай мовам;
• досвед працы з праграмамі вектарнага графічнага дызайну будзе перавагай.

Што прапануюць

• Фінансавыя ўмовы, якія адпавядаюць вашым чаканням, заработная плата брута ад 2500 да 2800 еўра, заахвочванні за дадатковую дзейнасць і сістэма матывацыі, арыентаваная на вынік.
• Працау ў міжнароднай камандзе, у гістарычным будынку ў Старым горадзе Вільні, побач з якім ёсць бясплатная паркоўка для супрацоўнікаў, можна працаваць часткова выдалена.
• Магчымасць карыстацца рэсурсамі бібліятэкі ЕГУ, а таксама ўдзельнічаць у міжнародных мерапрыемствах, трэнінгах і семінарах, мерапрыемствах па павышэнні кваліфікацыі і міжнароднай мабільнасці, якія праводзяцца ва ўніверсітэце.

ПАДРАБЯЗНАСЦІ РЭГІСТРАЦЫЯ

Дэдлайн — 28 лютага