Лабараторыя па штучным інтэлекце ад JournalismAI (дэдлайн — 7 чэрвеня)

Праграма Jour­nal­is­mAI Strat­e­gy Lab адкрыла прыём заявак для журналістаў і медыяспецыялістаў з краін Цэнтральнай і Усходняй Еўропы. Гэта бясплатная пяцітыднёвая анлайн-праграма, прысвечаная выкарыстанню штучнага інтэлекту ў журналістыцы.

Фота: pexels.com

Праграма распрацавана камандай Jour­nal­is­mAI з Лонданскай школы эканомікі і палітычных навук (LSE) і падтрымліваецца ініцыятывай Google News .

Навучанне будзе праходзіць анлайн з 6 ліпеня да 7 жніўня 2026 года. Праграма ўключае два жывыя заняткі на тыдзень — лекцыі па аўторках і практычныя воркшопы па чацвяргах, а таксама індывідуальныя заданні. Удзельнікі будуць прысвячаць навучанню каля пяці гадзін на тыдзень.

Праграма складаецца з пяці модуляў:

• ШІ ў практыцы: канцэпцыі і прымяненне;
• інструменты, дадзеныя і працоўныя працэся;
• генератыўны ШІ для медыя;
• рызыкі, этыка і рэдакцыйнае кіраванне;
• распрацоўка ўласных AI-праектаў для рэдакцый.

Па выніках праграмы ўдзельнікі атрымаюць практычны досвед працы з AI-інструментамі, распрацуюць план або праект для сваёй рэдакцыі, а таксама далучацца да міжнароднай сеткі калег.

Хто можа ўдельнічаць

Журналісты і медыяспецыялісты, якія працуюць у рэдакцыях краін Цэнтральнай і Усходняй Еўропы могуць падаць заяўку на гэту праграму.

Удзельнікі павінны свабодна валодаць англійскай мовай. Тэхнічныя навыкі і досвед праграмавання не патрабуюцца.

Фрылансеры не могуць падавацца, неабходна быць супрацоўнікам рэдакцыі.

Арганізатары аддаюць перавагу кандыдатам, якія змогуць укараняць атрыманыя веды ў сваіх медыя.

Як падаць заяўку

Даведацца больш пра праграму і падаць заўку праз анлайн-форму можна на сайце арганізатараў.

Дэдлайн падачы заявак — 7 чэрвеня 2026 года, 23:59 GMT.

Таксама арганізатары правядуць дзве інфармацыйныя анлайн-сесіі, каб падрабязна расказаць пра праграму і адказаць на пытанні:

• 28 траўня ў 15:00 EEST;
• 3 чэрвеня ў 17:00 EEST.

Па пытаннях можна звяртацца да кіраўніка праграмы Лвазі Масека (Lwazi Maseko) па адрасе lwazi@journalismai.info