Нязмушаны нэтворкінг у Вільнюсе (дэдлайн — 1 ліпеня)

3‑га ліпеня ў Вільнюсе пройдзе цёплая вечаровая сустрэча, дзе журналіст_кі і актывіст_кі сустрэнуцца ў нефармальнай атмасферы, каб лепш зразумець адно аднаго, падзяліцца досведам супрацоўніцтва і, магчыма, пачаць нешта новае разам. Мерапрыемства ладзіць арганізацыя ІншыЯ і аб’яданне беларусаў Нямеччыны Разам у партнёрстве з Беларускай асацыяцыяй журналістаў.

Гэта будзе прастора, дзе можна адкрыта пагаварыць пра тое, чаго часта так не стае: узаемаразумення, кантактаў, падтрымкі. Без працяглых лекцый і прамоваў. Толькі людзі, іх досвед і імкненне знайсці агульнае.

Падчас сустрэчы мы пачуем некалькі кароткіх гісторый пра тое, як журналіст_кі і актывіст_кі ўжо паспяхова супрацоўнічалі. Сваім досведам сярод іншых падзеляцца анлайн-медыя «Салідарнасць», рэдактарка спецпраектаў Hrodna.life, дабрачынны фонд «Краіна для жыцця» і каманда ЛГБТК+ініцыятывы.

Мы бяром на сябе стварэнне бяспечнага і камфортнага асяроддзя, а таксама напоі і закускі, з вас — добры настрой і адкрытасць да камунікацыі з іншымі. Для спрашчэння камунікацыі частка нашай сустрэчы будзе мадэравацца.

Калі? Дзе?

• 3 ліпеня, 18:00–20:30
• Шніпішкес, Вільнюс

Абавязкова папярэдняя рэгістрацыя па спасылцы да 1 ліпеня ўключна

Рэгістрацыя

Мерапрыемства адбываецца ў межах праекта «Togeth­er 4 val­ues ​​— JA», які сумесна рэалізуюць арганізацыі ІншыЯ і Razam e.V. пры падтрымцы Міністэрства замежных спраў Федэратыўнай Рэспублікі Германія.