Young Creators: DMI запускае праграму падтрымкі маладых беларускіх аўтараў (дэдлайн — 7 красавіка)
20 сакавіка 2024
Democratic Media Institute (DMI) — літоўская няўрадавая арганізацыя, якая падтрымлівае развіццё незалежных медыяў — запускае праграму падтрымкі маладых беларускіх аўтараў, каб дапамагчы ім ствараць высакаякасныя і запатрабаваныя медыяпрадукты, здольныя прыцягнуць увагу маладой беларускай аўдыторыі.
Па заканчэнні праграмы ўдзельнікі не толькі атрымаюць веды, неабходныя для стварэння медыяпрадуктаў, але і пад кіраўніцтвам ментараў змогуць распрацоўваць і запускаць уласныя медыяпраекты. Акрамя таго, яны атрымаюць фінансавую падтрымку для іх стварэння і развіцця.
Якая мэта гэтай праграмы?
Мэта праграмы — дапамагчы маладым беларускім аўтарам распрацаваць і запусціць свае ўласныя медыяпраекты на TikTok, YouTube або іншых відэаплатформах. Праекты могуць ахопліваць розныя тэмы, уключаючы забаўляльны, адукацыйны кантэнт, застаючыся пры гэтым у рамках сацыяльна значных для Беларусі тэм.
Асноўныя мэты праграмы:
- Вызначыць тэмы, актуальныя для маладой аўдыторыі, а таксама патрэбы стваральнікаў кантэнту (інфармацыйныя, арганізацыйныя, тэхнічныя і фінансавыя).
- Забяспечыць удзельнікам праграмы экспертную дапамогу ў распрацоўцы, запуску і кіраванні медыяпраектаў з дапамогай лекцый, майстар-класаў, трэнінгаў і індывідуальнага ментарства.
- Прапанаваць арганізацыйную, тэхнічную і фінансавую падтрымку ўдзельнікам для паспяховай рэалізацыі праектаў.
Як узяць удзел у праграме?
Каб паўдзельнічаць у праграме, калі ласка, запоўніце заяўку ніжэй. У электронным лісце ў адказ мы вышлем далейшыя інструкцыі.
Мы папросім усіх кандыдатаў запісаць і адправіць кароткае матывацыйнае відэа, якое дазволіць нам ацаніць ваш патэнцыял.
Хто праводзіць працэс адбору для ўдзелу?
Рашэнні адносна адбору ўдзельнікаў прымаюцца арганізацыйным камітэтам, у які ўваходзяць:
- Медыяпрафесіяналы
- Папулярныя стваральнікі відэакантэнту
- Арганізатары праграмы
Кампетэнтнае журы разгледзіць заяўкі і абярэ ўдзельнікаў праграмы.
У канцы працэсу будуць адабраныя 6 заявак, і іх аўтары стануць удзельнікамі праграмы, атрымліваючы ментарства і фінансавую падтрымку. Кожны ўдзельнік атрымае падтрымку ў памеры 2500 еўра.
Тут можна азнаёміцца з камандай экспертаў.
Хто можа ўдзельнічаць у праграме?
У праграме могуць удзельнічаць маладыя беларусы ва ўзросце ад 18 да 26 гадоў, незалежна ад іх актуальнага грамадзянства. Папярэдні досвед стварэння відэакантэнту не абавязковы. Галоўная ўмова — кантэнт павінен быць актуальны для маладой беларускай аўдыторыі як унутры краіны, так і за яе межамі.
Да якога тэрміну можна падаваць заяўкі?
Усе заяўкі павінны быць пададзеныя да 7 красавіка 2024 года і могуць быць запоўненыя на беларускай, рускай або ангельскай мовах.
Кожны ўдзельнік можа прапанаваць толькі адзін праект для разгляду на этапе адбору.
Як будзе праходзіць гэтая праграма?
Праграма будзе складацца з некалькіх этапаў:
- Цыкл лекцый і майстар-класаў ад экспертаў. Удзельнікі атрымаюць неабходныя веды для стварэння медыяпрадуктаў: тэхнічныя (абсталяванне, асвятленне, гук, здымка, мантаж), крэатыўныя (асновы напісання сцэнарыяў, уменне выступаць на камеру) і маркетынгавыя (аналітыка, прасоўванне). Кожная лекцыя і майстар-клас будуць уключаць у сябе як тэарэтычную частку, так і сесіі пытанняў і адказаў.
- Праца над індывідуальнымі праектамі пад кіраўніцтвам ментараў. У кожнага ўдзельніка будзе асабісты куратар, які дапамагае ў стварэнні пілотнага эпізоду медыяпрадукту. Акрамя таго, удзельнікі могуць запісацца на індывідуальныя кансультацыі з экспертамі па кожным кірунку.
- Прэзентацыя пілотных эпізодаў на афлайн-мерапрыемстве. Падчас мерапрыемства ўдзельнікі змогуць прадэманстраваць свае пілотныя эпізоды экспертам і атрымаць зваротную сувязь. На мерапрыемства будуць запрошаныя адмысловыя госці, папулярныя кантэнт-мейкеры, каб удзельнікі маглі з імі пагутарыць і задаць ім пытанні.
- Самастойная праца над кантэнтам. Кожны ўдзельнік павінен стварыць не менш за 9 серый відэакантэнту. На гэтым этапе ўдзельнікі могуць некалькі разоў пракансультавацца са сваімі ментарамі. Перад пачаткам гэтага этапу ўдзельнікі атрымаюць 50% ад запланаванай фінансавай падтрымкі. Астатнія 50% будуць пераведзеныя пасля завяршэння эпізодаў.
Як задаць пытанні арганізатарам або атрымаць тлумачэнні, калі нешта незразумела?
Калі ласка, напішыце на адрас promo@dmi.lt, і мы будзем радыя адказаць на любыя вашыя пытанні пра лабараторыю.
@bajmedia
Сайт «Белсата» аднавіў працу. Што гэта азначае?
26.08.2024
Памёр самы стары тыктокер Беларусі. Дзядуля Гена пражыў 93 гады
09.08.2024
Захоп СМІ і пераслед рэпарцёраў: нямецкія праваабаронцы знялі фільм пра журналістаў у выгнанні. У тым ліку — беларускіх
08.07.2024
Андрэй Гнёт даслаў ліст з турмы ў Сербіі
24.04.2024
