Канферэнцыя супраць дэзынфармацыі ў Страсбуры (дэдлайн — 1 верасня)

Маладых журналістаў і студэнтаў журналістыкі ва ўзросце ад 18 да 30 гадоў запрашаюць прыняць удзел у канферэнцыі супраць дэзынфармацыі ў Страсбуры.

Калі: 9–10 лістапада 2026 года.

Дзе: Страсбург (Францыя), Еўрапейскі моладзевы цэнтр / Палац Еўропы.

Канферэнцыя «Моладзь перад тварам дэзынфармацыі — чаму журналісты маюць значэнне» (Youth Fac­ing Dis­in­for­ma­tion – Why Jour­nal­ists Mat­ter) адбудзецца ў рамках кампаніі Савета Еўропы «Jour­nal­ists Mat­ter» («Журналісты маюць значэнне») і працягнецца два дні.

У першы дзень абмяркуюць:

• дэзынфармацыю і маніпуляцыі інфармацыяй,
• журналістыку ў лічбавую эпоху,
• медыяпісьменнасць і штучны інтэлект,
• бяспеку журналістаў і дэмакратычную ўстойлівасць.

Другі дзень — практычная частка. Удзельнікі будуць працаваць у невялікіх групах і вучыцца:

• даследаваць і правяраць інфармацыю,
• умацоўваць крытычнае мысленне і медыяпісьменнасць.

Хто можа падаць заяўку?

Маладыя людзі ва ўзросце 18–30 гадоў , якія пражываюць у дзяржаве-члене Савета Еўропы і маюць цікавасць або досвед у такіх галінах, як:

• журналістыка і СМІ;
• стварэнне лічбавага кантэнту;
• медыйная і інфармацыйная пісьменнасць;
• адукацыя і праца з моладдзю;
• правы чалавека і дэмакратычны ўдзел;
• праверка фактаў, штучны інтэлект або цэласнасць інфармацыі.

Арганізатары асабліва заахвочваюць падаваць заяўкі журналістаў, студэнтаў журналістыкі, аўтараў, моладзевых лідараў, выкладчыкаў, даследчыкаў і прадстаўнікоў моладзевых арганізацый і грамадзянскай супольнасці.

Выдаткі на праезд, пражыванне і харчаванне адабраных удзельнікаў будуць пакрыты Саветам Еўропы.

Дэдлайн падачы заявак: 1 верасня 2026 года.

Падаць заяўку можна па спасылцы

Пра вынікі адбору ўдзельнікі будуць праінфармаваны да 17 верасня 2026 года.