• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Рэпартаж: сакрэты прафесійнага майстэрства. Майстар-клас з удзелам Святланы Алексіевіч у Прэс-клубе (да 27 красавіка)

    Журналісцкая майстэрня Прэс-клуб і Абмасада Рэспублікі Польшча арганізуюць двухэтапныя майстар-класы для журналістаў і літаратараў, якія хацелі б авалодаць сакрэтамі прафесійнага майстэрства ў жанры рэпартажа. Першы этап "Слядамі Рышарда Капусцінькага" адбудзецца ў Пінску - на радзіме Капусцінскага, 7 траўня. Другі этап – у Мінску, 8 траўня.

    Для ўдзелу ў майстар-класах будуць адабраныя 30 удзельнікаў. Запрашаем беларускіх журналістаў і літаратараў, якія хацелі б авалодаць жанрам дакументальнага і/ці літаратурнага рэпартажа. Адбор будзе адбывацца на падставе тэкстаў кандыдатаў. 

    Заяўку на ўдзел трэба падаць, запаўняючы форму. Пасля запаўнення анлайн-формы просім даслаць на e‑mail press-club@press-club.by з пазнакай “Рэпартаж” прыклады сваіх тэкстаў (не больш за 10 старонак), напісаных у жанры рэпартажа (ці набліжаным да яго).

    Да разгляду прымаюцца:
    —    спасылкі на апублікаваныя матэрыялы (або сканы з імі);
    —    неапублікаваныя матэрыялы ў далучаным файле (word);
    —    калі ў вас няма тэкстаў, створаных у падобным жанры, вы можаце напісаць эсэ ці рэпартаж на абраную вамі тэму.

    Падаць заяўку на ўдзел у двухэтапным майстар-класе можна да 27 красавіка. Вынікі адбору будуць абвешчаныя 2 траўня.

    Арганізатары забяспечваюць праезд Мінск – Пінск – Мінск, начлег і харчаванне ў Пінску. 

    Па выніках майстар-класаў будуць адабраныя 6 чалавек для адукацыйнай паездкі ў Польшчу, дзе змогуць сустрэцца з польскімі журналістамі, літаратарамі, майстрамі рэпартажу.  

    У межах майстар-класаў адбудзецца таксама прэзентацыя кнігі Рышарда Капусцінскага “Чорнае дрэва. Афрыканская ліхаманка” (на беларускую мову пераклаў Яўген Салейчук).

    Гэтая падзея на ФБ.

     

    Партнёры: 

    Літаратурны дом ЛогвінаўПольскі інстытут.

    Інфармацыйныя партнёры:
    Беларуская асацыяцыя журналістаў, Медыякрытыка, Беларускі ПЭН-цэнтр, Саюз беларускіх пісьменнікаў.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці