Семінар па журналістыцы ў Цэнтральнай і Усходняй Еўропе (дэдлайн — 15 жніўня)

Саксонскі фонд медыяадукацыі (SSM) запрашае на штогадовы семінар па журналістыцы ў Цэнтральнай і Усходняй Еўропе. Мерапрыемства праводзіцца з 2001 года, сёлета — ужо ў 25‑ы раз.

Ілюстрацыйнае фота: faux­els / pexels.com

Калі: з 11 па 17 кастрычніка 2026 года.

Дзе: Лейпцыг, Эрфурц, Берлін (Германія).

Семінар прысвечаны важнасці незалежнай журналістыкі для дэмакратыі ва ўсё больш інтэграванай Еўропе.

Удзельнікі атрымаюць магчымасць даведацца пра структуру і метады працы тэлебачання, радыё, друкаваных і анлайн-СМІ ў рамках нямецкай дуальнай медыясістэмы. Акрамя прафесійнага развіцця, асабліва важным з’яўляецца абмен досведам паміж удзельнікамі з розных краін.

Хто можа ўдзельнічаць:

• журналісты з Цэнтральнай і Усходняй Еўропы,
• не старэйшыя за 40 гадоў на момант падачы заяўкі,
• з пацверджаным досведам працы ў СМІ,
• добра валодаюць нямецкай мовай.

Саксонскі фонд медыяадукацыі пакрые выдаткі на праезд, харчаванне і пражыванне.

Дэдлайн падачы заявак — 15 жніўня 2026 года.

ПАДРАБЯЗНАСЦІ І РЭГІСТРАЦЫЯ