Тыдзень расследавальніцкай журналістыкі GIJN (дэдлайн — 11 кастрычніка)

26–30 кастрычніка журналістаў-расследавальнікаў, рэпарцёраў, рэдактараў, медыятрэнераў, выкладчыкаў і студэнтаў факультэтаў журналістыкі запрашаюць на пяцідзённы анлайн-форум IJWeek. Мерапрыемства праводзіць Глабальная сетка журналістаў-расследавальнікаў (GIJN).

Удзельнікі змогуць паслухаць больш за 100 спікераў з усяго свету, атрымаць новыя інструменты, практычныя інструкцыі, свежыя ідэі і кантакты для сумесных праектаў, а таксама абмяняцца досведам і прафесійнымі лайфхакамі з аўтарамі самых гучных і ўплывовых журналісцкіх расследаванняў.

У праграме:

• больш за 35 панэльных дыскусій, майстар-класаў і нетворкінг-сесій;
• выступленні больш як 100 спікераў;
• сесіі, прысвечаныя тэхналогіям штучнага інтэлекту, экалогіі, карупцыі, адмыванню грошай і іншым тэмам.

Фармат: анлайн.

Асноўная мова форуму — англійская.

Кошт білетаў:

• студэнцкі — $50;
• стандартны — $100;
• бізнес-білет пры ранняй рэгістрацыі — $160.

Продаж білетаў працягнецца да 11 кастрычніка 2026 года ўключна.

Для журналістаў, якія знаходзяцца ў складаным фінансавым становішчы, прадугледжаны льготныя білеты. Каб атрымаць такі білет, неабходна запоўніць спецыяльную форму да 31 ліпеня 2026 года.

ПАДРАБЯЗНАСЦІ І РЭГІСТРАЦЫЯ