Вэбінар «AI у медыя: як працаваць хутчэй без страты стандартаў і даверу» (рэгістрацыя да 2 чэрвеня)

Як выкарыстоўваць нейрасеткі ў рэдакцыйнай працы без лішніх рызык для крыніц, герояў матэрыялаў, каманды і даверу аўдыторыі? Запрашаем журналістаў і журналістак, рэдактараў і рэдактарак — усіх, хто працуе з медыякантэнтам, на чарговы анлайн-модуль Media Ethics Lab.

Спачатку разбярэм не відавочныя этычныя правілы працы з AI, а затым на практыцы пакажам, як выбудаваць больш бяспечны працоўны працэс: ад абязлічвання тэксту да лакальнай нейрасеткі.

Што будзе на вэбінары

Дзе AI сапраўды дапамагае, а дзе пачынае ствараць этычныя праблемы.

Якія дадзеныя нельга бяздумна перадаваць нейрасеткам і чаму абязлічванне — гэта не проста выдаліць імя.

Як зрабіць просты лакальны інструмент, які дапамагае знаходзіць адчувальныя дадзеныя ў тэксце і рыхтаваць больш бяспечную версію для працы.

Як разгарнуць нейрасетку лакальна і наладзіць яе для рэдакцыйнай працы без перадачы адчувальных дадзеных у знешнія сэрвісы.

Як падключыць да лакальнай нейрасеткі ўнутраныя правілы, чэк-лісты і дакументы, каб атрымаць асістэнта, які працуе ў логіцы вашай рэдакцыйнай палітыкі.

Практычны бонус

Усе прысутныя атрымаюць выніковы чэк-ліст бяспечнай працы з AI, які можна ўкараніць у практыку сваёй рэдакцыі адразу пасля вэбінару.

Трэнер: Дзяніс Васількоў, незалежны медыяэксперт

Дзе і калі

• анлайн (Zoom)
• серада, 3 чэрвеня 2026 года
• 17:00–19:30 (Варшава) / 18:00–20:30 (Мінск, Вільня)

Чакаем ад прысутных актыўнасці падчас разбору кейсаў і дыскусій.

Удзел бясплатны. Колькасць месцаў абмежаваная.

РЭГІСТРАЦЫЯ

Падавайцеся да 2 чэрвеня 2026 года, 17:00 па Вільні.

Працоўныя мовы вэбінараў — беларуская і руская. Калі ў вас засталіся пытанні датычна курса, пішыце нам на office@baj.media.

Media Ethics Lab праводзіць Беларуская асацыяцыя журналістаў у партнёрстве з Фондам Фрыдрыха Эберта.