Вясновыя Дні адчыненых дзвярэй: ЕГУ запрашае абітурыентаў у Вільню
7 лютага 2018
30-31 сакавіка Еўрапейскі гуманітарны ўніверсітэт (ЕГУ) запрашае старшакласнікаў беларускіх школ, гімназій і ліцэяў на вясновыя Дні адчыненых дзвярэй у Вільні. Мерапрыемства адбудзецца ў новым навучальным корпусе ЕГУ — былым будынку Аўгустынскага кляштара, размешчанага ў Старым горадзе Вільні, які ўключаны ў спіс аб’ектаў Сусветнай спадчыны ЮНЕСКА.
Штогод падчас Дзён адчыненых дзвярэй абітурыенты ЕГУ маюць магчымасць пазнаёміцца з навучальнымі праграмамі, выкладчыкамі, студэнтамі і выпускнікамі ЕГУ, задаць пытанні пра паступленне, стыпендыі, удзел у праграмах абмену, а таксама здаць уступныя іспыты ва ўніверсітэт.
Важна! ЕГУ дапамагае атрымаць бясплатную візу для наведвання Дзён адчыненых дзвярэй для вучняў школ, гімназій, ліцэяў, каледжаў, а таксама слухачоў курсаў у цэнтры «Прапілеі». Рэгістрацыя на мерапрыемства з візавай падтрымкай для навучэнцаў пройдзе да 11 лютага (уключна).
Рэгістрацыя без візавай падтрымкі адбудзецца да 22 сакавіка (уключна).
Рэгістрацыя на Дні адчыненых дзвярэй у Вільні праходзіць па спасылцы.
Праграма Дзён адчыненых дзвярэй
30 сакавіка (пятніца) удзельнікі Дзён адчыненых дзвярэй змогуць здаць уступныя іспыты па эсэ і кампазіцыі. Атрыманыя вынікі абітурыенты могуць выкарыстоўваць пры паступленні ў ЕГУ у 2018 годзе.
31 сакавіка (субота) пройдзе выстава адукацыйных праграм ЕГУ, профільныя сустрэчы абітурыентаў з выкладчыкамі, адміністрацыяй, студэнтамі і выпускнікамі ўніверсітэта, а таксама іспыт па замежнай мове.
Запрашаем азнаёміцца з тым, як Дні адчыненых дзвярэй адбыліся ў ЕГУ у лютым 2018 года:
@bajmedia
Статкевіч трос клетку, суддзя смяяўся, гучалі «Муры». Ігар Лосік упершыню расказаў, як судзілі фігурантаў «справы Ціханоўскага»
29.05.2026
Пяць гадоў чакання. Як Беласток сустракаў Анджэя Пачобута пасля вызвалення
10.06.2026
Уладзіміра Янукевіча і Андрэя Пакаленку ўнеслі у пералік «экстрэмістаў»
15.06.2026
Памёр фалькларыст і выкладчык журналістыкі Уладзімір Касько
02.06.2026
