«Зеркало» шукае аўтара для аддзела «События»

Партал «Зеркало» шукае дасведчанага журналіста ў рэдакцыйны аддзел.

Фота: «Зеркало»

Аўтары ў «Событиях» даведаюцца падрабязнасці навін, якія выклікаюць рэзананс у беларускім грамадстве, і расказваюць іх чытачам. Яны размаўляюць з простымі людзьмі, палітыкамі і чыноўнікамі, каб аўдыторыя ў нашай краіне і за яе межамі ведала, што насамрэч адбываецца ў Беларусі і свеце.

У абавязкі аўтара будзе ўваходзіць:

- штодзённая генерацыя тэм;

- пошук герояў і экспертаў, стасункі з імі;

- напісанне і вёрстка матэрыялаў;

- адно-два васьмігадзінныя дзяжурствы на выходных у месяц.

Ідэальны кандыдат на гэтую вакансію павінен умець:

- знаходзіць цікавае і важнае ў паўсядзённым;

- хутка разбірацца ў новым, а затым проста і зразумела расказваць пра гэта іншым;

- працаваць з крыніцамі і адрозніваць праўдзівую інфармацыю ад ненадзейнай;

- мець шырокі кругагляд і ідэальную пісьменнасць;

- развітая сетка кантактаў будзе вялікім плюсам.

У сваю чаргу «Зеркало» прапануе:

- афіцыйнае афармленне,

- канкурэнтны заробак,

- медыцынскую страхоўку,

- дапамогу ў легалізацыі ў Літве ці Польшчы.

Адправіць рэзюме можна на пошту  editors@zerkalo.io (з тэмай ліста «Аўтар у раздзел «События»».

Акрамя рэзюмэ (у якое абавязкова трэба дадаць прыклады вашых матэрыялаў), просяць  напісаць крыху пра сябе і патлумачыць, чаму вам хацелася б працаваць у «Зеркало». Рэдакцыя просіць кандыдатаў паставіцца з разуменнем да таго, што з‑за вялікай загрузкі яна звяжацца толькі з тымі кандыдатамі, якія найбольш ёй падыходзяць.