На фэсце «Тутака» нагадалі пра палітзняволеных беларускіх журналістаў

На фэсце «Тутака» адбылася акцыя салідарнасці са зняволеным журналістам Ігарам Ільяшом, які 18 ліпеня сустрэў свой Дзень нараджэння за кратамі, і іншымі зняволенымі журналістамі і журналісткамі ў Беларусі.

Акцыя салідарнасці с палітзняволенымі беларускімі журналістамі падчас фестывалю «Тутака», 18 ліпеня 2026 года. Фота: БАЖ

Фестываль абуджаных «Тутака» праходзіць з 16 па 19 ліпеня ва ўрочышчы Барык каля Беластока. У акцыі салідарнасці паўдзельнічалі госці фестывалю, сярод іх — журналісты, актывісты, прадстаўнікі дэмакратычнага руху, у тым ліку лідарка беларускіх дэмсілаў Святлана Ціханоўская.

Святлана Ціханоўская з партрэтам палітзняволенага журналіста Ігара Ільяша на фестывалі «Тутака», 18 ліпеня 2026 года. Фота: БАЖ

Ігар Ільяш, муж вядомай беларускай журналісткі, былой палітзняволенай Кацярыны Андрэевай, утрымліваецца за кратамі з 2024 года. Вядома, што за кратамі на яго аказваюць ціск, у палітвязня пагоршылася здароўе.

БАЖ працягвае Марафон салідарнасці з калегамі за кратамі. На дадзены момант за кратамі ў Беларусі 21 прадстаўнік і прадстаўніца медыя.