У Таліне ўзгадалі пра зняволеных беларускіх журналістаў

Падчас візіту беларускіх журналістаў у Талін, арганізаванага Офісам дэмакратычных сіл Беларусі ў Эстоніі, прайшла акцыя салідарнасці да Дня палітвязняў Беларусі 21 траўня.

Акцыя салідарнасці ў рэдакцыі Pos­timees. Фота: БАЖ

Дэлегацыя беларускіх журналістаў у выгнанні пазнаёмілася з працай найбуйнейшых эстонскіх медыя — DELFI, Pos­timees, ERR (нацыянальны радыё і тэлевяшчальнік), наведала парламент і міністэрства культуры. У Эстоніі няма асобнага ведамства, адказнага за медыя, але ў Сусветным індэксе свабоды прэсы краіна займае другое месца, саступаючы толькі Нарвегіі і Нідэрландам.

Акцыя салідарнасці ў студыі ERR. Фота: БАЖ

У нашай жа краіне сітуацыя са свабодай слова ў Беларусі застаецца найгоршай у Еўропе. Пасля татальных рэпрэсій, што пачаліся з 2020 года, праз затрыманні, арышты і пераслед прайшлі сотні беларускіх медыйшчыкаў.

Акцыя салідарнасці ў студыі ERR. Фота: БАЖ

Паміж дыскусіямі пра супрацьстаянне прапагандзе з Усходу, расповедам пра эстонскія асаблівасці працы медыя, беларуская дэлегацыя нагадала пра зняволеных калег.

У студыі ERR. Фота: БАЖ

На сёння за кратамі ў Беларусі застаюцца 21 супрацоўнік і супрацоўніца медыя.