У Пінску развіталіся з блогерам Мікалаем Клімовічам
13 мая 2023
Пра смерць палітвязня Мікалая Клімовіча стала вядома 7 траўня. Ён памёр у папраўчай калоніі № 3 «Віцьба». Цела прывезлі родным у цынкавай труне. Развітанне спачатку адбылося ў яго дома, у завулку Пяшчаным у Пінску. Туды прыйшлі і сваякі іншых пінскіх палітвязняў.
Пахавалі блогера і грамадскага актывіста на гарадскіх могілках «Таргошыцы». Там прысутнічала каля 20 сваякоў і сяброў Мікалая.
Грошы на пахаванне Мікалая Клімовіча неабыякавыя людзі дзякуючы ініцыятыве Bysol сабралі за шэсць гадзін.
Нагадаем, 28 лютага 2023 года Мікалай Клімовіч быў асуджаны да года зняволення ў калоніі агульнага рэжыму паводле арт. 368 Крымінальнага кодэкса («Абраза прэзідэнта Рэспублікі Беларусь») за лайк у сацыяльнай сетцы пад карыкатурай на Аляксандра Лукашэнку.
Судзіў блогера суддзя г. Пінска і Пінскага раёна Андрэй Бычыла, абвінавачанне 61-гадоваму чалавеку — год калоніі, запрасіў 25-гадовы пракурор Ілля Гузарэвіч.
Да канца красавіка Мікалай Клімовіч знаходзіўся ў баранавіцкім следчым ізалятары № 6. І падчас судовага працэсу, і падчас разгляду апеляцыйнай скаргі ён даводзіў суддзям, пракурору, што мае інваліднасць ІІ групы праз праблемы з сэрцам і што яму патрэбны належны медыцынскі дагляд. Але гэта не ўлічылі і апеляцыю не задаволілі. Пасля гэтага асуджанага этапавалі ў калонію пад Віцебскам, дзе ён амаль адразу і памёр.
Чытайце яшчэ:
«Хотим обращаться к молодым профессионалам внутри страны». Запущен проект «Настоящее время. Беларусь»
«Противодействие популярным в прессе кликабельным нарративам — часть моей работы». Интервью с Артемом Шрайбманом
«Киберпартизаны» рассказали, как в России создают ботов, которые размещают прокремлевские комментарии
@bajmedia
У борисовской газеты «Адзiнства» — новый главный редактор
27.06.2023
«Теперь понятно». Зачем белорусские журналисты решили записывать подкасты про мировые новости
11.07.2023
Спіс «экстрэмісцкіх матэрыялаў»: папаўненне красавіка
22.04.2024
Аператыўна-аналітычны цэнтр пазбавіў даменнага імя незалежны партал Media-Polesye.by
15.04.2024
