• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Выпісвае «Прессбол», заняты на дрэваапрацоўцы. Як адбывае жорсткі тэрмін Андрэй Аляксандраў

    Медыяменеджара Андрэя Аляксандрава асудзілі на 14 гадоў за дапамогу рэпрэсаваным па выніках масавых пратэстаў-2020. Беларускай асацыяцыі журналістаў сталі вядомыя некаторыя падрабязнасці адсідкі палітвязня ў папраўчай установе № 1 Наваполацку. 

    Як і ў выпадку з бальшынёй «палітычных», сувязь з журналістам абмежаваная: збольшага стабільнае ліставанне толькі з самымі блізкімі сваякамі, астатняя карэспандэнцыя фільтруецца ці наогул блакуецца.

    Стала вядома, што Андрэй Аляксандраў працуе ў цэху дрэваапрацоўкі. З досведу іншых вязняў калоніі, якія пасля выхаду дэманстравалі разліковыя лісткі, месяцовы заробак там рэдка перавышае некалькі рублёў — фактычна сумы хопіць толькі на адзін раз нешта купіць у «каланіяльнай» краме.

    Хто даўно ведае Андрэя Аляксандрава, абазнаны, што ён зацяты спартовы тэарэтык і практык. Сапраўдная «энцыклапедыя» разнастайнай статыстыкі, асабліва што тычыцца англійскай футбольнай Прэм’ер-лігі і ўлюбёнага клуба «Ліверпуль». Ужо за турэмнымі мурамі «Валадаркі» адданы заўзятар перастварыў на беларускую мову камандны гімн You’ll Nev­er Walk Alone.

    У футбол на аматарскім узроўні ўсё жыццё гуляў сам — падчас журналісцкіх турніраў абараняў гонар інфармагенцтва БелаПАН, дзе ў свой час быў адным з кіраўнікоў. 

    Каб не адставаць ад навін, у калоніі ён выпісвае спартыўнае выданне «Прессбол», фактычна гэта адзіная магчымасць атрымліваць адносна аператыўную інфармацыю.

    Акрамя таго, для падтрымання фізічнай формы ў графіку абавязковыя зарадка і практыкаванні. Вядома, што пасля арышту Андрэй Аляксандраў моцна схуднеў. Агулам палітвязень трымаецца бадзёра і не губляе ўласцівага толькі яму тонкага пачуцця гумару.  

    Сёлета ў студзені Андрэй Аляксандраў адзначыў 45-гадовы юбілей — ужо  трэці запар дзень нараджэння за кратамі.

    Ён нарадзіўся ў 1978 годзе ў расійскім Ніжнім Тагіле ў сям’і вайскоўца, але з дзяцінства жыў у Паставах на Віцебшчыне. Пасля школы скончыў гісторыка-філалагічны факультэт Полацкага дзяржаўнага ўніверсітэта, але ўрэшце засяродзіўся на журналістыцы. Кар’еру пачынаў у наваполацкай газеце «Хімік», дарос да намесніка дырэктара інфармацыйнага агенцтва БелаПАН. Цягам  2009–2012 гадоў быў у кіраўніцтве Беларускай асацыяцыі журналістаў. 

    Атрымаў і міжнародны досвед: мае ступень магістра медыяменеджменту Вэстмінстэрскага ўніверсітэта ў Лондане, працаваў у праваабарончых арганізацыях Index on Cen­sor­ship і Arti­cle 19. Нягледзячы на добрыя перспектывы за мяжой, вярнуўся ў Беларусь, цягам 2015–2018 гадоў быў у дырэктараце БелаПАН, затым перайшоў на дамову як медыякансультант. 

    Рыхтаваўся ўзаконіць адносіны з Ірынай Злобінай, выпускніцай факультэта філасофіі і сацыяльных навук БДУ. На той момант яна развівала ўласны бізнес — краму кветак, заняткі па фларыстыцы. Наўрад ці тады хтосьці мог уявіць, што стварэннем сям’і давядзецца займацца за кратамі. 

    Усё рухнула, калі пасля пратэснага 2020-га рэжым абвясціў вайну грамадзянскай супольнасці. Разгром незалежных медыяў суправаджаўся мэтанакіраванымі затрыманнямі, прыйшлі таксама па дзейных і былых  адміністратараў БелаПАН.

    На пачатку студзеня 2021 года «за падрыхтоўку асоб для ўдзелу ў беспарадках» (так класіфікавалі дапамогу з аплатай штрафаў пацярпелым ад гвалту сілавікоў) схапілі Андрэя Аляксандрава і яго дзячыну Ірыну Злобіну. У жніўні іх лёс падзялілі Ірына Леўшына і Дзмітрый Наважылаў, да суда ўсіх утрымлівалі ў СІЗА № 1 Мінска.   

    Летась 6 кастрычніка суддзя Мінскага абласнога суда Вячаслаў Тулейка у закрытым рэжыме агучыў тэрміны пакарання для абвінавачаных па «справе БелаПАН». Андрэй Аляксандраў зарабіў найбольшы тэрмін — 14 гадоў калоніі, Ірына Злобіна — 9 гадоў, Дзмітрый Наважылаў — 6 гадоў, Ірына Леўшына — 4 гады. Акрамя таго, усім прызначылі буйныя штрафы, у прыватнасці, Андрэю Аляксандраву больш за 10 тысяч долараў у эквіваленце. 

    Спробы абскардзіць невытлумачальныя па сваёй жорсткасці выракі ў Вярхоўным судзе плёну не мелі. 

    Яшчэ да разгляду апеляцыі Андрэя Аляксандрава перавялі ў СІЗА № 2 Віцебска, а якраз пад дзень нараджэння этапавалі ў наваполацкую папраўчую калонію № 1.

    Чытайце яшчэ:

    Як правяраюць расследаванні. Кароткі гайд ад фактчэкера OCCRP

    Ці ўратуе псіхічнае здароўе пазбяганне сур’ёзных навін?

    У Мінску пачалі судзіць палітвязня за самвыдат «Веснікі»

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці