Высланы ў Польшчу беларускі актывіст змог легальна вярнуцца ва Украіну
17 мая 2023
Высланы ў Польшчу беларускі актывіст Валянцін Цішко змог легальна вярнуцца ва Украіну. Фонд "Вільна Білорусь", які яму дапамог у гэтым, назваў дэпартацыю памылковай. "Цяпер працуем над пытаннем яго легалізацыі", спасылаецца на @belaruscentrlviv "Еўрарадыё".
3 траўня стала вядома, што міграцыйная служба Украіны прымусова высылае ў Польшчу Валянціна Цішко, які раней двойчы падаваў заяўку на атрыманне палітычнага прытулку.
У Беларусі Цішко быў гарадскім каардынатарам Руху «За Свабоду» ў Маладзечне, балатаваўся ў дэпутаты ў 2019 годзе. Ва Украіну пераехаў напрыканцы 2020-га, асцерагаючыся палітычнага пераследу ў Беларусі. У Львове ён удзельнічаў у акцыях салідарнасці з беларусамі, а з пачаткам вайны стаў валанцёрам, дапамагаў уцекачам.
Валянцін Цішко — сябра Беларускай асацыяцыі журналістаў.
Чытайце яшчэ:
Закладнік уласнай сістэмы. Чаму прапаганда так нязграбна рэагавала на знікненне Лукашэнкі
Прапаганда на кані. Як незалежным медыя ўтрымаць пазіцыі?
«Ватыкан праігнараваў свайго шчырага верніка Ігара Лосіка». «Хрысціянскаяй візія» паўторна заклікала Папу Рымскага дапамагчы беларускай сям’і
@bajmedia
