«Ганаруся калегамі і ўпэўненая, што ТУТ.бай будзе жыць» — Марына Золатава
5 кастрычніка 2021
Парталу ТУТ.бай 5 кастрычніка споўніўся б 21 год, нагадалі былыя супрацоўнікі медыя. Яны прыводзяць вытрымкі з ліста галоўнага рэдактара партала Марыны Золатавай, якая ў цяперашні час знаходзіцца ў зняволенні.
«Сёння, калі спаўняецца 21 год, я хачу сказаць, што ганаруся маімі калегамі і ўпэўненая ў тым, што ТУТ.бай будзе жыць», — піша Марына Золатава. Яна таксама падзякавала чытачам за падтрымку, якую журналісты медыя адчуваюць нават за кратамі, і павіншавала ўсіх з днём нараджэння партала.
18 траўня ў цэнтральным офісе партала ТУТ.бай прайшоў ператрус. Сайт стаў недаступны. Адначасова сілавікі прыйшлі дадому да некаторых супрацоўнікаў медыя. У цяперашні час па справе самага папулярнага партала затрыманыя 15 чалавек, у тым ліку Марына Золатава, журналісты Алена Талкачова і Вольга Лойка. Пад хатнім арыштам знаходзіцца Юлія Чарняўская, культуролаг і жонка заснавальніка партала Юрыя Зісера. Усе фігуранты гэтай справы прызнаныя палітвязнямі.
Крымінальная справа ў дачыненні да супрацоўнікаў партала была распачатая па ч. 2 арт. 243 КК («Ухіленне ад выплаты падаткаў у буйным памеры»).
@bajmedia
Папаўненне «экстрэмісцкага спісу» Мінінфарма: шэраг украінскіх інтэрнэт-рэсурсаў, акаўнт Франака Вячоркі, «Вечерний Жлобин»
07.08.2024
Андрэй Бастунец: Больш за 20 беларускіх медыяарганізацый прызнаныя «экстрэмісцкімі фармаваннямі»
14.12.2023
Plan B звярнуўся да чытачоў па падтрымку
09.01.2024
Пасля атакі «Кіберпартызанаў» другі дзень не працуюць сайты «Гомельскай праўды» і «ІнфоБазы»
26.03.2024
