Гранты для журналістаў на праекты па тэме штучнага інтэлекту і тэхналогій назірання

Пулітцэраўскі цэнтр прымае заяўкі на гранты для журналістаў на праекты, прысвечаныя штучнаму інтэлекту і тэхналогіям назірання, а таксама іх уплыву на супольнасці па ўсім свеце.

Гэта магчымасць адкрыта для штатных і пазаштатных журналістаў па ўсім свеце.

Вітаюцца паглыбленыя гісторыі, якія дэталёва даследуюць, як сістэмы штучнага інтэлекту распрацоўваюцца, прадаюцца і разгортваюцца ў супольнасцях па ўсім свеце. У прыярытэце рэпартажы, прысвечаныя людзям, якія непасрэдна пацярпелі ад аўтаматызаваных сістэм, а таксама гісторыі, арыентаваныя на рашэнні. Заахвочваюцца заяўкі на ўсе фарматы рэпартажаў, а таксама на менш асвятляныя тэмы, у тым ліку: 

• Ланцужкі паставак у галіне штучнага інтэлекту.
• Працэсы закупак алгарытмічных сістэм і сістэм відэаназірання.
• Уплыў штучнага інтэлекту на навакольнае асяроддзе.
• Штучны інтэлект і сеткі дэзінфармацыі. 
• Ваенныя дзеянні са штучным інтэлектам.
• Рэгуляванне і кіраванне штучным інтэлектам. 

Заяўкі на гранты прымаюцца пастаянна. Звычайна арганізатары даюць адказ праз адзін-два тыдні пасля падачы.

Што трэба, каб падаць заяўку

• Апісанне праекта не больш чым у 250 словах.
• План публікацыі і распаўсюджвання. Варта ўключыць лісты аб зацікаўленасці або абавязацельствах ад рэдактараў і навінавых выданняў.
• Папярэдняя ацэнка бюджэту.
• Тры ўзоры апублікаваных работ.
• Тры прафесійныя рэкамендацыі.
• Копія рэзюмэ.

ПАДРАБЯЗНАСЦІ І РЭГІСТРАЦЫЯ

Дадатковыя пытанні дасылайце па адрасе reacheditorial@pulitzercenter.org .