Human Summer Camp запрашае на адукацыйную праграму па правах чалавека (дэдлайн — 2 чэрвеня)

Праваабарончая арганізацыя Human Con­stan­ta запрашае падацца на адукацыйную праграму па правах чалавека, якая пачнецца 30 ліпеня 2024 года ў Польшчы.

Для ўдзельнікаў падрыхтавалі 5 дзён семінараў, воркшопаў, гульняў і працы ў камандах на Human Sum­mer Camp.

Для каго?

Удзел у праграме будзе карысным для тых, хто:

• Даўно хацеў_ла даведацца ці якасна разабрацца ў тым, што такое правы чалавека і навошта яны патрэбныя.
• Плануе запусціць новую ініцыятыву або дадаць каштоўнасці правоў чалавека ў працу існуючай.

Цягам 5‑дзённага інтэнсіву удзельнікі будуць абмяркоўваць каштоўнасці, разбірацца ў правах чалавека, шляхах і механізмах рэалізацыі сацыяльных ініцыятываў і сумесных дзеянняў. 

Хто будзе навучаць?

• Эксперты і спецыялісты праваабарончай арганізацыі Human Con­stan­ta.
• Запрошаныя госці.
• Удзельнікі таксама змогуць правесці свае тэматычныя блокі падчас факультатываў (па ўласным жаданні).

Што ў выніку?

Слухачы праграмы даведаюцца пра:

• гісторыю, змест, архітэктуру і дасягненні правоў чалавека,
• глыбіннае разуменне каштоўнасцяў правоў чалавека,
• асноўныя дакументы, механізмы, інстытуты і выклікі для правоў чалавека,
• правы чалавека ў паўсядзённым жыцці людзей і арганізацый на прыкладах,
• сувязі паміж правамі чалавека і дэмакратыяй, міграцыяй, дыджыталізацыяй, экстрэмізмам і спортам (кожная тэма паасобку),
• што такое грамадскі інтарэс і якія існуюць інструменты яго абароны,
• асновы негвалтоўнай і інклюзіўнай камунікацыі.

Акрамя таго, атрымаюць магчымасць развіць софт-скілс і мета-кампетэнцыі, а таксама пазнаёмяцца з іншымі людзьмі, якія жадаюць бачыць свет вакол сябе пабудаваным на прынцыпах павагі да чалавечай годнасці, свабоды, роўнасці і справядлівасці.

Зарэгістравацца на праграму можна праз гэтую анлайн-форму заяўкі.

Прыём заявак да 23.59 2 чэрвеня 2024 года.

Пра вынікі адбору мы паведамім лістом на ўказаны адрас электроннай пошты да 10 чэрвеня.

Дакладнае месца правядзення Human Sum­mer Camp будзе паведамлена адабраным удзельніцам_кам.

Каб стварыць бяспечную прастору для ўдзельніц_каў, мы просім прымацаваць праз форму 2 абавязковых рэкамендацыйных ліста. Рэкамендацыі могуць быць ад удзельнікаў мінулых праграм Human Con­stan­ta, іншых праваабарончых ці грамадскіх арганізацый/ініцыятываў.

Удзел бясплатны, арганізатар_кі пакрываюць усе выдаткі на праезд, пражыванне і сілкаванне.

Увага!

Арганізатары не аказваюць візавую падтрымку.