Папаўненне ў спісе экстрэмісцкіх матэрыялаў: дадатак у Google Play «Радыё Свабода», старонкі «Еўрарадыё» ў сацсетках і іншыя рэсурсы

Рашэнне лічыць мабільны дадатак «Радыё Свабода RFER/RL» для прылад з аперацыйнай сістэмай Android «экстрэмісцкай інфармацыйнай прадукцыяй», прыняў 30 студзеня 2024 года суд Кастрычніцкага раёна Віцебска, паведамляе Мінінфарм.

Днём пазней той самы суд Кастрычніцкага раёна Віцебска прызнаў экстрэмісцкімі рэсурсы, звязаныя з тэлеканалам «Белсат»:

• інтэрнэт-старонку «Хай так TV» у Face­book; 

• канал «Хай так TV» у Telegram;

• групу «haj­tak­tv» у  Insta­gram; 

• групу «Хай так TV» у сацыяльнай сетцы «ВКонтакте»; 

• супольнасць «Хай так TV» у сацсетцы Х (былы Twit­ter);

• агрэгатар спасылак на відэазапісы з Youtube-канала «БЕЛСАТ LIFE» ў сэрвісе Link­tree.  

31 студзеня суд Чыгуначнага раёна Гомеля пастанавіў лічыць экстрэмісцкай інфармацыйнай прадукцыяй старонкі «Еўрапейскага радыё для Беларусі» з назвай «Euro­ra­dio» ў Face­book і ў сацыяльнай сетцы Threads.

Паводле таго самага судовага рашэння, у «экстрэмісцкі» пералік трапіў сайт інтэрнэт-выдання «Бюро», які належыць «Бюро Медиа» — расследавальніцкай камандзе беларускіх журналістаў, і шэраг афіляваных з ім інтэрнэт-рэсурсаў:

• старонка «buromedia_by» ў Insta­gram, 

• Теlе­gram-канал «Бюро»;

• Теlе­gram-акаўнт с назвай «Buro Media»;

• старонка «Бюро | Buro» ў сацсетцы Twit­ter.

Суд Чыгуначнага раёна Гомеля таксама прызнаў 31 студзеня экстрэмісцкай інфармацыйнай прадукцыяй рэсурсы «Беларускага Радыё Рацыя» — старонку «Radyjo Racy­ja» ў  Twit­ter і групу ў  Telegram «Беларускае Радыё Рацыя Chat».

Чытайце яшчэ:

Рамана Пратасевіча выдалілі са «спісу экстрэмістаў»

СМІ ў Беларусі ў 2023 годзе. Электронны бюлетэнь БАЖ

Блогер з раёнкі. Як цяпер улада спрабуе вярнуць уплыў друкаваных выданняў