Журналіст-фрылансер Зміцер Лупач на свабодзе, ён падазраваны па крымінальнай справе
12 ліпеня 2021
Журналіста-фрылансера Змітра Лупача вызвалілі з ізалятара часовага ўтрымання Глыбоцкага РАУС пасля трох сутак зняволення. 8 ліпеня сілавікі затрымалі журналіста ў санаторыі “Пліса”, дзе той адпачываў. Перад гэтым зранку прыязджалі да яго дадому. Пасля затрымання міліцыя ў той жа дзень зладзіла ў кватэры журналіста ператрус, забралі мабільны тэлефон.
Падставай для затрымання стала крымінальная справа паводле ч. 1 арт. 130 Крымінальнага кодэкса (Распальванне расавай, нацыянальнай, рэлігійнай альбо іншай сацыяльнай варожасці або розні), распачатая з прычыны відэароліка ў тэлеграм-канале “Глубокое для жизни”. У гэтым відэа, на думку міліцыі, быццам бы ўтрымліваюцца выказванні, якія заклікаюць да гвалтоўных дзеянняў на адрас сілавікоў. Змешчаны відэаролік быў пад нікам “Zmagar BNR”.
Як вынікае з дакументаў, якія атрымаў Зміцер Лупач, падазраваным па крымінальнай справе яго зрабіў начальнік Глыбоцкага раённага аддзела Следчага камітэта падпалкоўнік Плікат Сяргей Міхайлавіч: ён пастанавіў затрымаць журналіста і ўтрымліваць у ІЧУ Глыбоцкага РАУС.
Акрамя Змітра Лупача пад так званую “зачыстку”, якую праводзілі сілавікі ў Глыбокім і наваколлі, трапіла некалькі грамадскіх актывістаў з Докшыц і Глыбокага. Пяцёра з іх адседзелі ў ІЧУ 72 гадзіны, з іх — адна жанчына.
У віцебскіх журналістаў — ператрусы, нібыта шукалі інфармацыю пра невядомага паклёпніка
@bajmedia
Хто забіў літоўскага рэжысёра-дакументаліста ў Марыўпалі? Следства назвала падазраваных
01.03.2024
Галоўны рэдактар iXBT.games атрымаў 10 сутак адміністрацыйнага арышту
19.03.2024
Былая жонка абвінаваціла журналіста Змітра Панкаўца ў хатнім гвалце
10.03.2024
Спачуваем Ірыне Новік з нагоды смерці мужа
14.10.2023
