У Чэхіі беларускія юрысты падтрымалі Марафон салідарнасці са зняволенымі журналістамі

У Чэхіі праходзіў трэнінг для беларускіх юрыстаў, які арганізавала Рада Еўропы і Інстытут CEELI (няўрадавая арганізацыя па прасоўванні вяршэнства закона). Мерапрыемства было прысвечана алгарытмам і асаблівасцям працы са справамі па дыскрымінацыі.

Эксперты, для якіх рэпрэсіі ў Беларусі — вялічэзны прафесійны выклік, вырашылі падтрымаць Марафон салідарнасці са зняволенымі журналістамі і сфатаграфаваліся з партрэтамі прадстаўнікоў медыя, што знаходзяцца за кратамі.

Нагадаем, Марафон салідарнасці з беларускімі палітзняволенымі рэпарцёрамі стартаваў у Вільні 3 траўня з сумеснай акцыі Беларускай асацыяцыі журналістаў і Саюза журналістаў Літвы.

Раней да акцыі далучыліся арганізацыі і фонды ў Германіі, Швецыі, Фінляндыі, Даніі ды іншых краінах. А таксама прыватныя асобы, напрыклад, рэжысёр з ЗША Эрні Барбараш.

БАЖ заклікае калег ва ўсім свеце падтрымаць акцыю салідарнасці!

Вы можаце раздрукаваць ПАРТРЭТЫ зняволеных калег, сфатаграфавацца з імі ў пазнавальных месцах вашага горада (не ў Беларусі) і апублікаваць у сацыяльных сетках з тэгамі #СвабодуЖурналістам і #BecauseThe­Jour­nal­ist, а таксама даслаць нам на адрас office@baj.media ці intercomm@baj.media .

#СвабодуЖурналістам
#BecauseThe­Jour­nal­ist

Чытайце яшчэ:

«34. Гэта не лічбы, а нашы сябры і блізкія за кратамі». Марафон салідарнасці са зняволенымі журналістамі працягваецца

Аўстралійскі тэлежурналіст узяў удзел у Марафоне салідарнасці, падтрымаўшы Анджэя Пачобута

«Трымаемся праўды, трымаемся разам!» З Вільні стартаваў марафон салідарнасці са зняволенымі калегамі