Стыпендыяльная праграма Gaude Polonia: 6 месяцаў на творчую працу ў Польшчы (дэдлайн — 15 кастрычніка)

На паўгадовую стыпендыю могуць прэтэндаваць творцы з краін Цэнтральна-Усходняй Еўропы і постсавецкіх дзяржаў (у першую чаргу з Беларусі і Украіны), якія прадстаўляюць наступныя сферы: кіно, фатаграфію, кансервацыю твораў мастацтва, літаратуру/пераклад, музейную справу, музыку, візуальныя мастацтвы, тэатр, а таксама гісторыю і крытыку кіно, музыкі, мастацтва, тэатра. Набор заявак будзе доўжыцца да 15 кастрычніка 2026 года.

Праграма Gaude Polo­nia была заснавана ў 2003 годзе. Яна служыць умацаванню культурных сувязяў і будаўніцтву добрых адносін Польшчы з яе суседзямі (у першую чаргу з Украінай і Беларуссю), прасоўванню польскай культуры ў Цэнтральна-Усходняй Еўропе і постсавецкіх дзяржавах, а таксама супрацоўніцтву паміж мастацкімі супольнасцямі Польшчы і краін Усходняй Еўропы. На працягу 25 выпуску праграмы было прысуджана 1058 стыпендый.

Стыпендыя забяспечвае фінансаванне паўгадовага знаходжання ў Польшчы і навуковае кіраўніцтва выбітных польскіх настаўнікаў – экспертаў з розных сфер культуры і мастацтва.

У наступным XXVI выпуску праграмы, які будзе рэалізаваны ў перыяд з 1 лютага па 31 ліпеня 2027 года, памер стыпендыі складзе 5000 злотых брута ў месяц.

Сферы:

• кіно (у тым ліку гісторыя кіно і кінакрытыка),
• візуальныя мастацтвы (у тым ліку фатаграфія і мастацкая крытыка),
• ахова помнікаў (у тым ліку кансервацыя твораў мастацтва і музейная справа),
• літаратура (у тым ліку пераклад),
• музыка (у тым ліку музычная крытыка),
• тэатр (у тым ліку тэатральная крытыка),
• танец.

Як падаць заяўку:

• Заяўкі на праграму Gaude Polo­nia можна падаваць у папяровым або электронным выглядзе.
• Заяўку ў папяровым выглядзе трэба падаць асабіста або адправіць па пошце на адрас: Nar­o­dowe Cen­trum Kul­tu­ry, ul. Płoc­ka 13, 01–231 Warsza­wa.
• Заяўка павінна ўключаць сканы як мінімум двух рэкамендацый, партфоліа, скан дыплома аб заканчэнні вучобы з прысяжным перакладам на польскую мову. Чакаюцца рэкамендацыі ад творцаў, прызнаных у дадзенай сферы ў самой Польшчы. Да дакументаў неабходна далучыць флэшку з музычнымі запісамі або партфоліа з працамі кандыдата. У выпадку паштовай адпраўкі вызначальную значнасць мае дата паштовага штэмпеля.
• Заяўку ў электронным выглядзе трэба адправіць у фармаце PDF, як файл з электронным подпісам або ў выглядзе скана запоўненага і падпісанага дакумента.
• Заяўку разам з дадаткамі трэба адправіць на адрас: gaudepolonia@nck.pl

Умовы ўдзелу ў конкурсе:

• грамадзянства Беларусі/Украіны або іншай краіны Цэнтральна-Усходняй Еўропы і постсавецкіх дзяржаў;
• узрост да 40 гадоў (у выключных выпадках да 45 гадоў);
• вышэйшая адукацыя;
• досвед у прадстаўленай кандыдатам сферы;
• праект стыпендыі.

Фармальную ацэнку заявак ажыццяўляе НЦК на працягу 45 дзён з даты завяршэння набору заявак. Ацэнка зместу даручаецца Камісіі, прызначанай Міністрам культуры і нацыянальнай спадчыны Рэспублікі Польшча. Стыпендыі прысуджаюцца рашэннем Міністра на падставе рэкамендацый Камісіі.

Рашэнне аб прысуджэнні стыпендыі прымаецца не раней за 1 снежня 2026 года, але не пазней за 15 снежня 2026 года.

Арганізатарам конкурсу з’яўляецца Міністэрства культуры і нацыянальнай спадчыны Польшчы, ад імя якога мерапрыемствы, звязаныя з конкурсам, праводзіць Нацыянальны цэнтр культуры.

Больш інфармацыі пра праграму — па спасылцы