Палякі сабралі $5.200 на штрафы для журналістаў «Белсату»
15 мая 2017
Дырэктарка Белсату Агнешка Рамашэўска-Гузы ініцыявала ў Польшчы збор сродкаў на сплату штрафаў для журналістаў тэлеканалу. Ад паловы сакавіка іх асудзілі да штрафаў агульнай сумай — больш за 11 тысяч рублёў.
Прысуджаныя штрафы значна перавысілі сродкі, якія кіраўніцтва каналу прызначыла на гэтыя мэты, і магчымасьці беларускіх арганізацыяй, якія займаліся дапамогай аштрафаваным журналістам.
«У 13 выпадках іх асудзілі за працу без акрэдытацыі, у двух за, нібыта, «лаянку ў публічным месцы. Калі палякі змагаліся за свабоду, ім таксама дапамагалі» — напісала Агнешка Рамашэўска-Гузы ў сваім Фэйсбуку і зьвярнулася да палякаў з заклікам дапамагчы супрацоўнікам каналу аплаціць штрафы.
За тыдзень на адмысловы рахунак, які прадставіла каналу Асацыяцыя польскіх журналістаў, палякі перавялі амаль 5 200 даляраў.
«З публікацый у некаторых польскіх СМІ можа скласьціся ўражаньне, што сытуацыя ў Беларусі моцна зьмянілася. Неабходнасьць гэтага збору сьведчыць пра адваротнае» — гаворыць прадстаўнік кіраўніцтва каналу Аляксей Дзікавіцкі.
@bajmedia
СК распачаў спецвытворчасць у дачыненні да журналістаў-фрылансераў Ірыны Чарняўкі і Аляксандра Кіркевіча
28.05.2024
Европарламент проголосовал за защиту свободы СМИ и против слежки за журналистами
14.03.2024
Турма замест канцэртнай пляцоўкі: майстэрства ілюстрацыі ад тэлеканала «Гродна Плюс»
03.01.2024
«Мы іх спрабавалі пакараць за здраду». Лукашэнка расказаў сваю версію, за што садзяць журналістаў за краты
28.05.2024
