У беларускім YouTube з’явілася новае шоу

Творчае кам’юніці «CAMi» запусціла сваё YouTube-шоу, заўважыў CityDog.io. Журнал раіць падпісацца на канал юнакоў і глядзець усім, хто любіць Мінск, цікавіцца беларускай культурай і хоча падтрымаць сваіх.

Як пішуць стваральнікі САМі Show, у сваіх выпусках яны будуць «абмяркоўваць усё, што абмяркоўваецца, смяяцца з усяго, што смешна, крынжаваць і піць каву мінскай абжаркі». Аўтары плануюць размаўляць пра ўсё тое, што іх саміх цікавіць, і запрашаць у госці цікавых людзей.

Першы выпуск ужо на канале, у ім вядоўцы абмяркоўваюць:

• кліп беларускага праекту Applepick­er, які быў намінаваны за лепшую анімацыю тых самых менскіх «кукуруз» на Berlin Music Video Awards 2024,
• топ фільмаў ад класных беларусаў,
• што агульнага ў касметыкі «Белiта» і мастачкі-перформеркі Марыны Абрамовіч.