Відэажурналісты могуць падаць свае працы на конкурс у Паўднёвай Карэі The Hinzpeter Awards. Дэдлайн 27 ліпеня
29 чэрвеня 2021
Прэмія Hinzpeter Awards заснаваная, каб прызнаць і ўшанаваць відэажурналістаў, якія шукаюць праўду, абараняюць правы чалавека і змагаюцца за справядлівасць як фіксатары рэальнасці і летапісцы гісторыі.
Цырымонія ўзнагароджвання Hinzpeter Awards прызначана на 27 кастрычніка гэтага года ў Паўднёвай Карэі.
Відэажурналісты-фрылансеры альбо відэажурналісты, якія працуюць у СМІ могуць падаць сваю заяўку для ўдзелу ў конкурсе. Відэаматэрыялы мусяць закранаць пытанні правоў чалавека.
Дасылаць можна толькі відэа, якія ўпершыню трансляваліся па тэлевізары альбо іх прэм’ера адбылася ў мнтэрнэце паміж 1 студзеня 2020 года і 31 мая 2021 года.
Узнагароды будуць прысуджаць у некалькіх катэгорыях. Пераможца ў кожнай катэгорыі атрымае 10 000 долараў.
Падрабязна пра прэмію Hinzpeter Awards чытайце ТУТ.
Дэдлайн падачы матэрыялаў на конкурс — 27 ліпеня
Hinzpeter Awards заснаваная на знак памяці і адзнакі працы відэажурналіста Юджына Хінзпетара (Jürgen Hinzpeter). Хінзпетар — нямецкі журналіст, найбольш вядомы сваёй працай па асвятленню паўднёвакарэйскіх тэмаў. Хінзпетар быў рэпарцёрам ARD і адзіным журналістам, які здымаў масавыя забойствы падчас паўстання Кванджы ў Паўднёвай Карэі ў 1980 г. Яго кадры былі дастаўленыя ў Германію і трансляваліся па ўсім свеце.
@bajmedia
Сяргей Навумчык сыходзіць з журналістыкі на пенсію. У штаце «Радыё Свабода» ён прапрацаваў 25 гадоў
23.01.2024
Сілавікі ціснуць на бацькоў вядоўцаў тыкток-канала «Люстэрка»
23.07.2024
Аляксей Дзікавіцкі: Не хачу, каб мой подпіс стаяў пад ліквідацыяй «Белсата»
20.11.2024
«Воля Народу»: газета, якая праіснавала пяць дзён
23.10.2024
