Прынялі эстафету. У Беластоку падтрымалі зняволеных журналістаў

Гэтым разам у Марафоне салідарнасці прынялі ўдзел журналісткі Зоя Хруцкая, Яўгенія Доўгая, Ірына Купцэвіч, Наста Уткіна, паэтэса Ганна Комар і праваабаронца Леанід Судаленка. Ужо па старой добрай традыцыі яны ўзялі ў рукі партрэты зняволеных журналістаў, каб падтрымаць калегаў.

— Далучыцца да акцыі — самае маленькае, што я магла зрабіць у падтрымку зняволеных журналістаў і журналістак, — сказала Ганна Комар. — У зняволенні вельмі важна ведаць, што пра цябе памятаюць. А калі ты журналіст ці журналістка і выконваеш працу, важную для мільёнаў людзей, то важна, каб хоць некаторыя людзі з гэтых мільёнаў выказвалі салідарнасць.

Нагадаем, у Польшы Марафон салідарнасці ужо праходзіў — падчас фестывалю абуджаных «Тутака». На знак падтрымкі журналістаў, якія знаходзяцца за кратамі, удзельнікі акцыі — палітыкі, музыкі, культурныя дзеячы, рэпарцёры — ўзнялі іх партрэты.

БАЖ заклікае калег ва ўсім свеце падтрымаць акцыю салідарнасці!

Вы можаце раздрукаваць ПАРТРЭТЫ зняволеных калег, сфатаграфавацца з імі ў пазнавальных месцах вашага горада (не ў Беларусі) і апублікаваць у сацыяльных сетках з тэгамі #СвабодуЖурналістам і #BecauseThe­Jour­nal­ist, а таксама даслаць нам на адрас  office@baj.media ці intercomm@baj.media .

.

#СвабодуЖурналістам
#BecauseThe­Jour­nal­ist

Чытайце яшчэ:

Акцыя на фэсце «Тутака»: Ціханоўская, Латушка, Івулін і іншыя падтрымалі зняволеных журналістаў

«Трымаемся праўды, трымаемся разам!» З Вільні стартаваў марафон салідарнасці са зняволенымі калегамі

«34. Гэта не лічбы, а нашы сябры і блізкія за кратамі». Марафон салідарнасці са зняволенымі журналістамі працягваецца