«Заклікаем аднавіць свабоду прэсы». У Аўстраліі падтрымалі зняволеных беларускіх журналістаў
2 жніўня 2023
На далёкім кантыненце далучыліся да ініцыяванага БАЖ Марафону салідарнасці са зняволенымі беларускімі журналістамі. Такім чынам аўстралійскі «Альянс медыя, забаў і мастацтваў» (MEAA) падтрымаў кампанію, што распачалася ў траўні з Вільні.
«Камітэт нацыянальнай секцыі MEAA прыняў рэзалюцыю ў падтрымку сябраў БАЖ, якія сутыкнуліся з жорсткім пераследам з боку ўладаў, аж да турэмнага зняволення», — паведамілі ў сацсетках чальцы альянсу.
Таксама яны заклікалі вызваліць журналістаў, якія знаходзяцца ў месцах зняволення, і аднавіць свабоду прэсы.
Нагадаем, Марафон салідарнасці з беларускімі палітзняволенымі рэпарцёрамі стартаваў у Вільні 3 траўня з сумеснай акцыі Беларускай асацыяцыі журналістаў і Саюза журналістаў Літвы.
Раней да акцыі далучыліся арганізацыі і фонды ў Германіі, Швецыі, Фінляндыі, Даніі ды іншых краінах. А таксама прыватныя асобы, напрыклад, рэжысёр з ЗША Эрні Барбараш.
БАЖ заклікае калег ва ўсім свеце падтрымаць акцыю салідарнасці!
Вы можаце раздрукаваць ПАРТРЭТЫ зняволеных калег, сфатаграфавацца з імі ў пазнавальных месцах вашага горада (не ў Беларусі) і апублікаваць у сацыяльных сетках з тэгамі #СвабодуЖурналістам і #BecauseTheJournalist, а таксама даслаць нам на адрасoffice@baj.media ці intercomm@baj.media .
#СвабодуЖурналістам
#BecauseTheJournalist
Чытайце яшчэ:
Рэжысёр з ЗША: «Вырашыў далучыцца да Марафону салідарнасці, каб падтрымаць Ларысу Шчыракову»
«Беларусы зноў пачнуць чытаць газеты, калі зразумеюць, што там пішуць праўду». Гутарка з Віктарам Марчуком
«Трымаемся праўды, трымаемся разам!» З Вільні стартаваў марафон салідарнасці са зняволенымі калегамі
@bajmedia
Выстава БАЖ пра палітзняволеных журналістаў прайшла на канферэнцыі «Новая Беларусь»
11.08.2025
Збор у падтрымку беларускіх жанчын
05.03.2025
У Варшаве адкрываецца бібліятэка беларускіх фотакніг
24.09.2025
«Экстрэмісцкі спіс» Мінінфарма: старонка «Активный Брест» у Facebook, TikTok-акаўнт «_nexta_live» і іншыя рэсурсы
16.12.2024
